O‘zbekiston va Qirg‘iziston chegarasida 50 gektar maydonni egallovchi “Bay-Talaa globa” logistik markazi quriladi. Uning tarkibidan omborlar, ulgurji va chakana savdo bozori, agrosanoat majmuasi o‘rin oladi.
Markazning o‘zi savdo-logistika xab sifatida faoliyat ko‘rsatadi. Asosiy vazifasi — O‘zbekiston va Qirg‘izistondan mahsulotlarni eksport qilish. Uning yordamida yuk oqimlarini Qirg‘iziston orqali osongina MDH davlatlari va Xitoyga yuborish mumkin.
Xab Namangan, Andijon va Toshkent viloyatlari chegarasidagi qulay o‘rinda joylashgan. Markaz 2023-yilning yozidan ish boshlashi rejalashtirilmoqda.
Avvalroq Qozog‘istonda onlayn savdo uchun 37 ming kvadrat metr maydonda logistika xabi ish boshlagani ma’lum bo‘lgandi. Obyekt marketpleyslarda sotiladigan ko‘plab tovarlarni saqlash uchun katta maydonga ega.
Shuningdek, O‘zbekiston va Tojikiston chegarasida ham “Andarxon” savdo-logistika markazini qurish boshlangan. Obyekt 5 gektar maydonni egallaydi. “Andarxon” 200 ga yaqin do‘kon, bank, restoran, kafe va mehmonxonalarni o‘zida birlashtirgan savdo-logistika markazi hisoblanadi. Unda ikki viloyat korxonalarida ishlab chiqarilayotgan mahsulotlar savdosi amalga oshiriladi.
Yevgeniy Korotovskix, Bishkek
Izoh (0)