Ўзбекистон ва Қирғизистон чегарасида 50 гектар майдонни эгалловчи “Бай-Талаа глоба” логистик маркази қурилади. Унинг таркибидан омборлар, улгуржи ва чакана савдо бозори, агросаноат мажмуаси ўрин олади.
Марказнинг ўзи савдо-логистика хаб сифатида фаолият кўрсатади. Асосий вазифаси — Ўзбекистон ва Қирғизистондан маҳсулотларни экспорт қилиш. Унинг ёрдамида юк оқимларини Қирғизистон орқали осонгина МДҲ давлатлари ва Хитойга юбориш мумкин.
Хаб Наманган, Андижон ва Тошкент вилоятлари чегарасидаги қулай ўринда жойлашган. Марказ 2023 йилнинг ёзидан иш бошлаши режалаштирилмоқда.
Аввалроқ Қозоғистонда онлайн савдо учун 37 минг квадрат метр майдонда логистика хаби иш бошлагани маълум бўлганди. Объект маркетплейсларда сотиладиган кўплаб товарларни сақлаш учун катта майдонга эга.
Шунингдек, Ўзбекистон ва Тожикистон чегарасида ҳам “Андархон” савдо-логистика марказини қуриш бошланган. Объект 5 гектар майдонни эгаллайди. “Андархон” 200 га яқин дўкон, банк, ресторан, кафе ва меҳмонхоналарни ўзида бирлаштирган савдо-логистика маркази ҳисобланади. Унда икки вилоят корхоналарида ишлаб чиқарилаётган маҳсулотлар савдоси амалга оширилади.
Евгений Коротовских, Бишкек
Изоҳ (0)