Aktyorlarning kinoda ishlash bo‘yicha o‘ziga xos qarashlari bor, ularni oddiy tomoshabinlar tushunishi oson emas.
Jonni Depp
Depp 70 dan ortiq filmda rol o‘ynagan, ammo u Jek Chittak rolini o‘ynagan “Karib dengizi qaroqchilari” sarguzasht filmlari bilan mashhur.
Tomoshabinlarning filmga bo‘lgan muhabbatiga va ularning maqtovli sharhlariga qaramay, Jonni o‘zi ishtirokidagi filmlarni tomosha qilmaslikni afzal ko‘radi.
“Ko‘p yillar oldin o‘zim o‘ynagan filmlarni tomosha qilmaslikka qaror qildim, bu meni biroz qiynab qo‘ydi, chunki do‘stlarimning rollarini ham kuzatolmasdim. Iloji boricha natijadan uzoqlashgan ma'qul, chunki personajni o‘ynab bo‘lgach, qolgani sizga bog‘liq bo‘lmay qoladi”.
Riz Uizerspun
“Qonundagi mallasoch” rolini ijro etgan Riz Uizerspun ham o‘zi ishtirokidagi filmlarni tomosha qilishdan qochadi. Gap shundaki, u o‘ziga va ishiga nisbatan qoniqmay qolishdan qo‘rqadi.
Bundan tashqari, aktrisa suratga olingandan keyin rollarini darhol unutadi va faqat ba'zi satrlarni eslaydi xolos.
Asosiy muxlislar — uning bolalari Ava, Dikon va Tennessi Riz ishtirokidagi filmlarni tomosha qilishdan mamnun.
Anjelina Joli
2009-yilda aktrisa Good Morning America nashriga bergan intervyusida o‘zining professional pozitsiyasini tushuntirdi:
“Menga kino tomosha qilishdan ko‘ra ko‘proq suratga olish jarayoni qiziq”.
Jolining aytishicha, sobiq eri Bred Pitt bilan filmlarni katta qiziqish bilan tomosha qilgan. Bundan tashqari, Anjelina kinolarni bir necha marta tomosha qilishda ma'no ko‘rmaydi.
Rupert Grint
“Garri Potter” filmidagi mallasoch bola Ron Uizlini o‘ynagan Rupert Grint filmning atigi 3-qismini tomosha qilganini aytadi. U buni boshqa “yangi” qismlar unga nisbatan kamroq qiziqish uyg‘otgani va umuman yoqmagani bilan izohlaydi.
Sharliz Teron
Ko‘pchilik uchun aktrisa nima uchun o‘zi ishtirokidagi filmlarni ko‘rmasligi sir bo‘lib qolmoqda. U ekranda o‘zini ko‘rishdan ko‘ra parashyutdan sakrashni afzal ko‘rishini aytadi. Biroq istisno holat ham bor — Sharliz 2003-yilda “Monster” filmini ko‘rgan.
Nikol Kidman
2009-yilda aktrisa o‘zi ishtirokidagi ikkita filmni tomosha qilganini tan oldi: “Mulen Ruj” va “Avstraliya”. Sababi: uning ishini ko‘rishni iltimos qilgan rejissor Baz Lurman uchun tomosha qiladi.
Kidman turmush o‘rtog‘i Keyt Urban bilan “Avstraliya” filmi premyerasini tomosha qilgan paytini eslaydi: O‘shanda u bir joyda o‘tira olmagan — rolni qanchalik yaxshi o‘ynagani haqida tashvishlangan.
Nikolning komplekslariga qaramay, oilasi uning bu qaroriga xayrixohlik bildiradi va u yo‘qligida aktrisa ishtirokidagi filmlarni tomosha qilishadi.
Tom Xenks
“Forrest Gamp” kartinasining bosh qahramoni aktyorlarning o‘z ishtirokidagi filmlarni, ayniqsa, ularni bir necha bor tomosha qilishini bema’nilik deb hisoblaydi.
“Men o‘z ishimni tomosha qilmayman — kim tomosha qiladi? Bu ahmoqona bo‘lardi. Ba’zi filmlarni bir marta ko‘rganman, ularni qayta ko‘rishga hojat yo‘q, chunki ular o‘zgarmaydi”, — deydi Henks.
100 dan ortiq filmlarda rol o‘ynagan Tom o‘z prinsipiga sodiq qoladi va faqat eng yuqori darajada qila oladigan ishni — filmlarda rol o‘ynashni davom ettiradi.
Jared Letto
“Oskar” sovrindori Jared Letto “Dallaslik xaridorlar klubi” filmidagi roli bilan ko‘plab tomoshabinlarni lol qoldirdi.
Ammo boshqa filmlardagi kabi bunda ham o‘zini tomosha qilmagan. Buning sabablaridan biri uning o‘zgargan ovozi edi, Jared bunga toqat qila olmagan.
Izoh (0)