Buxoroda yo‘lovchi avtobusida erkak kishining qiz bolaga shilqimlik qilgani to‘g‘risida xabar berilgandi. Buxoro viloyati IIB holat yuzasidan ma’lumot berdi.
Ijtimoiy tarmoqda tarqalgan videoda avtobus ichidagi qiz noma’lum yigit o‘ziga yopishaverganini aytgani tasvirlangan. Avtobus ichidagilar esa “uni militsiyaga berish kerak, sharmanda”, degan. Ushbu shaxs bo‘lsa ayollarga qarata buni sezmagani va bilmaganini aytgan.
Holat yuzasidan Buxoro shahar IIB masʼul xodimlari tomonidan tezkor surishtiruv harakatlari olib borilib, uning shaxsiga aniqlik kiritilgan.
“Soat 13:00 atrofida avtobusga minib, bilmasdan nojo‘ya harakat qildim. Ming bor kechirishingizni so‘rayman, boshqa takrorlanmaydi, deb vaʼda beraman”, — deydi yigit.
Yigit bilan olib borilgan tergovga qadar tekshiruv harakatlari davomida xatti-harakatlarida Maʼmuriy javobgarlik to‘g‘risidagi kodeksning 183-moddasida (Mayda bezorilik) nazarda tutilgan huquqbuzarlik alomatlari aniqlangan. Sud qaroriga ko‘ra, yigitga nisbatan 15 sutka maʼmuriy qamoq jazosi tayinlangan.
Izoh (0)