Uzbekistan Airways O‘zbekiston va Yaponiya o‘rtasida muntazam aviaqatnovlarni yo‘lga qo‘yadi. Bu haqda aviakompaniya matbuot xizmati xabar berdi.
Xabarga ko‘ra, 13-apreldan boshlab O‘zbekiston va Yaponiya o‘rtasida muntazam aviaqatnovlar yo‘lga qo‘yiladi. Yaponiyaga to‘g‘ridan-to‘g‘ri parvozlar har hafta payshanba kunlari amalga oshiriladi.
Avvalroq aviakompaniya Toshkent–Tokio yo‘nalishidagi aviachiptalar narxi 8 475 676 so‘mdan, Toshkent–Tokio–Toshkent yo‘nalishida esa 14 965 587 so‘mdan boshlanishi haqida maʼlumot bergan.
O‘zbekiston va Qozog‘iston shaharlari o‘rtasida muntazam aviaqatnovlar soni ko‘paytirilishiga doir kelishuvga erishilgani haqida xabar berilgan edi.