Termiz xalqaro aeroportida ko‘rish imkoniyati yomonlashgani tufayli havo kemalarini qabul qilish va jo‘natishga cheklovlar joriy etildi. Bu haqda Uzbekistan Airports matbuot xizmati xabar berdi.
Qayd etilishicha, aeroport hududida ko‘rish imkoniyati 2000 metrni tashkil etmoqda.
8-mart kuni Uzbekistan Airways aviakompaniyasining Toshkentdan Termizga uchgan reysi chang bo‘roni sabab ortga qaytarilgandi. “O‘zgidromet” 9-mart kuni Surxondaryo viloyatida kechasi va ertalab ba’zi joylarga tuman tushishi mumkinligini ma’lum qilgandi. Shuningdek, viloyatning ba’zi joylarda shamol 15-20 metr/soniyagacha kuchayishi, ayrim joylarda chang-to‘zonlar kuzatilishi mumkin.
Eslatib o‘tamiz, 2022-yil sentabr oyida HY-065 yo‘lovchi reysi Termiz aeroportidagi noqulay ob-havo sharoiti — kuchli shamol va chang bo‘roni tufayli Buxoro shahridagi zaxira aeroportga yo‘naltirilgandi.
Izoh (0)