Uzbekistan Airways aviakompaniyasining Toshkentdan Termizga uchgan reysi yana ortga qaytarildi. Bu haqda Telegram’dagi “Novosti Tashkentskogo neba” kanali xabar berdi.
“Islom Karimov nomidagi Toshkent xalqaro aeroportidan Termizga uchgan HY-079 yo‘lovchi reysi noqulay ob-havo (chang bo‘roni) tufayli poytaxtga qaytmoqda”, — deyiladi xabarda.
“O‘zgidromet” Surxondaryo viloyatida 8-mart kuni havo o‘zgarib turishi, viloyatning ba’zi joylarida shamol 15–20 metr/sekundgacha kuchayishini ma’lum qilgandi.
Eslatib o‘tamiz, 2022-yil sentabr oyida HY-065 yo‘lovchi reysi Termiz aeroportidagi noqulay ob-havo sharoiti — kuchli shamol va chang bo‘roni tufayli Buxoro shahridagi zaxira aeroportga yo‘naltirilgandi.
Izoh (0)