Sovuq tuman 11-dekabr kuni Qarshi aeroporti faoliyatini vaqtincha chekladi, deb xabar bermoqda Uzbekistan Airports matbuot xizmati.
Qayd etilishicha, ko‘rish chegarasining pasayib ketishi (gorizontal 200 metr, vertikal 50 metr) Qarshi xalqaro aeroportida reyslarni qabul qilish va jo‘natishni cheklab qo‘ydi.
Xususan, Uzbekistan Airports’ning Toshkent—Qarshi yo‘nalishi bo‘yicha, soat 08:00 da uchishi kerak bo‘lgan HY-77 reysi hali ham poytaxtdan ucha olmadi.
Qarshi aeroportidan ma’lum qilinishicha, ko‘rish masofasi asta-sekin yaxshilanmoqda. Aeroport yaqin ikki soat ichida samolyotlarni qabul qilish va uchirishga qo‘yilgan cheklovlarni bekor qilishi mumkin.
“O‘zgidromet” 11-dekabr kuni qator hududlarda tuman tushishini prognoz qilgandi.
Izoh (0)