Термиз халқаро аэропортида кўриш имконияти ёмонлашгани туфайли ҳаво кемаларини қабул қилиш ва жўнатишга чекловлар жорий этилди. Бу ҳақда Uzbekistan Airports матбуот хизмати хабар берди.
Қайд этилишича, аэропорт ҳудудида кўриш имконияти 2000 метрни ташкил этмоқда.
8 март куни Uzbekistan Airways авиакомпаниясининг Тошкентдан Термизга учган рейси чанг бўрони сабаб ортга қайтарилганди. “Ўзгидромет” 9 март куни Сурхондарё вилоятида кечаси ва эрталаб баъзи жойларга туман тушиши мумкинлигини маълум қилганди. Шунингдек, вилоятнинг баъзи жойларда шамол 15-20 метр/сониягача кучайиши, айрим жойларда чанг-тўзонлар кузатилиши мумкин.
Эслатиб ўтамиз, 2022 йил сентябрь ойида HY-065 йўловчи рейси Термиз аэропортидаги ноқулай об-ҳаво шароити — кучли шамол ва чанг бўрони туфайли Бухоро шаҳридаги захира аэропортга йўналтирилганди.
Изоҳ (0)