Andijon viloyati Xonobod shahridagi dam olish maskani hududida joylashgan mehmonxonada yong‘in chiqdi, deb xabar beradi FVV matbuot xizmati.
Qayd etilishicha, 1-mart kuni soat 16:26 da Xonobod shahar “Xontog‘” MFY, “Xontog‘” mehmonxonasining ikkinchi qavatidagi muzqaymoq kafesida yong‘in chiqqan. Yong‘in natijasida kafening 60 metr kvadrat maydon qismidagi shift, tom qismi va jihozlari yongan.
Favqulodda vaziyatlar bo‘limining 2 ta o‘t o‘chirish ekipaji soat 16:32 da hodisa joyiga yetib borgan va olov soat 16:45 da o‘chirilgan. Yong‘in oqibatida binoning 50 metr kvadrat maydoni saqlab qolingan.
Hozirda yong‘inning kelib chiqish sababi va keltirilgan zarari aniqlanmoqda.
Izoh (0)