Avstraliyada sakkiz yoshli bola dengizda baliq ovlayotganida akula hujumiga uchradi. Bu haqda Mirror xabar berdi.
Ma’lum qilinishicha, Manni Alam ismli bola yirtqich hujum qilganida otasi Radvan bilan Ledi Masgrayv oroli qirg‘og‘idagi dengizda bo‘lgan. Voqea aks etgan videoda bola qayiqning chetidan ushlab, qarmog‘iga ilingan baliqni otasiga ko‘rsatayotganini ko‘rish mumkin. Shu payt qayiq oldidan akula chiqib, bolani ko‘krak va qo‘ltiq ostidan tishlaydi. Video ham aynan shu joyida tugaydi.
Bolaning otasiga ko‘ra, o‘g‘li jiddiy jarohat olmagan. “Men biroz og‘riqni his qilyapman, boshqa muammo kuzatilmayapti”, — deb tushuntirdi bola.
Akula bolaning qo‘lidagi baliqni tutmoqchi bo‘lgan, lekin bola baliqni yirtqichdan uzoqlashtirgani uchun unga hujumga qilgan.
O‘z navbatida, 2022-yil Avstraliyada 15 ta akula hujumi qayd etilgan, ulardan birida odam halok bo‘lgan. 2021-yilda esa o‘lim hodisasi uchtani tashkil etgan.
Mavzuga doir: Afrikada yirik oq akula sayyoh ayolga hujum qildi
Izoh (0)