AQSH Janubiy Koreyani himoya qilish uchun oddiy va yadroviy qurollardan foydalanish tarafdori, dedi Pentagon rahbari Lloyd Ostin. U Seulda Janubiy Koreya milliy mudofaa vaziri Li Chjon Sop bilan bo‘lib o‘tgan matbuot anjumanida ushbu mavzuni ko‘tardi.
“Qo‘shma Shtatlar keng qamrovli tiyib turish majburiyatiga qat’iy sodiq, bu AQSH harbiy salohiyatini, jumladan, oddiy va yadroviy qurollar, shuningdek, raketalarga qarshi mudofaadan to‘liq foydalanish kabilarni o‘z ichiga oladi”, — dedi janob Ostin.
Shuningdek, u Shimoliy Koreyaning harakatlarini qoralab, 2022-yilda KXDR rasmiylari “misli ko‘rilmagan miqdordagi provokatsiyalar” sodir etganini aytdi. Pentagon rahbari ta’kidlaganidek, AQSH va Janubiy Koreya KXDR mintaqadagi vaziyatni beqarorlashtirmoqda, degan fikrda.
Koreya yarimorolidagi vaziyat 2022-yil dekabrda Shimoliy Koreyaning dronlari Janubiy Koreya havo hududiga bostirib kirganidan keyin yana keskinlashdi. KXDR qurollari 2017-yildan beri birinchi marta Koreyalararo chegarani kesib o‘tishga muvaffaq bo‘ldi. Shunga qaramay, Janubiy Koreya KXDR bilan birlashishning yangi rejasini ishlab chiqmoqchi.
Izoh (0)