Janubiy Afrikaning Plettenberg ko‘rfazida ulkan oq akula sayozlikda suzayotgan ayolga hujum qildi, deya xabar bermoqda Daily Mail. Ayolni akula og‘zidan qutqarishning imkoni bo‘lmagan.
Qutqaruvchilar ayolni o‘lik holda topgan. Favqulodda holat tufayli mahalliy hokimiyat ko‘rfazni yopib, ogohlantiruvchi belgilar o‘rnatdi. Bu oxirgi 11 yil ichida uchinchi marta katta oq akula hujumi bo‘ldi.
Katta oq akulalarning uzunligi 6,5 metrga, og‘irligi 2 tonnagacha yetadi, ularda 300 qatorgacha o‘tkir tishlar bo‘ladi. Ov paytida yirtqich soatiga 55 kilometr tezlikda harakatlana oladi. Odatda oq akulalar tyulenlar, dengiz sherlari, delfinlar va toshbaqalarni ovlaydi.
Mutaxassislarning fikriga ko‘ra, ular odamlarga tasodifan hujum qiladi, ularni tyulenlar bilan adashtiradi va ko‘pincha bir luqma bilan cheklanadi, shundan so‘ng adashganini tushunadi. Ammo odamning o‘lishi uchun bir tishlash kifoya qiladi.
“Ular odamlarni atay qidirmaydi, hujumlar kamdan-kam uchraydi va odatda qasddan sodir bo‘lmaydi. Akula hujumidan ko‘ra, yashin urib o‘lish 47 baravar, mushakbozlikdan o‘lish 11 baravar ko‘proq kuzatiladi. Asosiysi, noto‘g‘ri vaqtda noto‘g‘ri joyda bo‘lmaslik”, — dedi mutaxassis.
Izoh (0)