Amerikaning SpaceX kompaniyasi Nigeriyaga Starlink tarmog‘i internet xizmatlaridan foydalanish imkoniyatini taqdim etdi. SpaceX Twitter’da qayd etganidek, ushbu mamlakat Afrika qit’asida kompaniya xizmatlarini qo‘lga kiritgan birinchi davlat bo‘ldi
https://twitter.com/SpaceX/status/1620166806722981890
“Starlink endi Nigeriyada — ushbu xizmatni olgan birinchi Afrika davlatida”, — deyiladi xabarda.
Starlink — dunyo aholisini keng ko‘lamda internet bilan ta’minlashga qaratilgan yangi avlod sun’iy yo‘ldosh tarmog‘i. Loyihani amalga oshirish 2018-yil fevral oyida boshlangan. Uning maqsadi dunyoning istalgan nuqtasida yuqori tezlikdagi internetga kirishni ta’minlash. Umuman olganda, tarmoqni yaratishning birinchi bosqichida 12 mingga yaqin sunʼiy yoʻldoshni uchirish rejalashtirilgan.
Avvalroq SpaceX kompaniyasi Filippinda Starlink sun’iy yo‘ldosh xizmatini ishga tushirishni rejalashtirayotgani, bu Janubi-sharqiy Osiyodagi birinchi shunday hodisa bo‘lishi haqida xabar berilgandi.
