Австралияда саккиз ёшли бола денгизда балиқ овлаётганида акула ҳужумига учради. Бу ҳақда Mirror хабар берди.
Маълум қилинишича, Манни Алам исмли бола йиртқич ҳужум қилганида отаси Радван билан Леди Масграйв ороли қирғоғидаги денгизда бўлган. Воқеа акс этган видеода бола қайиқнинг четидан ушлаб, қармоғига илинган балиқни отасига кўрсатаётганини кўриш мумкин. Шу пайт қайиқ олдидан акула чиқиб, болани кўкрак ва қўлтиқ остидан тишлайди. Видео ҳам айнан шу жойида тугайди.
Боланинг отасига кўра, ўғли жиддий жароҳат олмаган. “Мен бироз оғриқни ҳис қиляпман, бошқа муаммо кузатилмаяпти”, — деб тушунтирди бола.
Акула боланинг қўлидаги балиқни тутмоқчи бўлган, лекин бола балиқни йиртқичдан узоқлаштиргани учун унга ҳужумга қилган.
Ўз навбатида, 2022 йил Австралияда 15 та акула ҳужуми қайд этилган, улардан бирида одам ҳалок бўлган. 2021 йилда эса ўлим ҳодисаси учтани ташкил этган.
Мавзуга доир: Африкада йирик оқ акула сайёҳ аёлга ҳужум қилди
Изоҳ (0)