Yaponiyaning Sidzuoka prefekturasida yashovchi o‘n uch yashar qiz smartfon tufayli onasini o‘ldirib qo‘ydi. Bu haqda NHK telekanali xabar bermoqda.
Telekanal ma’lumotlariga ko‘ra, qotillik 16-yanvar, dushanbaga o‘tar kechasi sodir bo‘lgan. Oilaning boshqa a’zolari qo‘ng‘irog‘i bilan yetib kelgan politsiya ikkinchi qavatdagi yotoqxonada onani qonga belangan holda topgan. Ko‘p o‘tmay ayol vafot etgan. Guvohlar hodisa aybdori sifatida qizni ko‘rsatgan, shundan so‘ng huquq-tartibot idoralari xodimlari uni so‘roqqa tutgan. Qiz onasini o‘ldirganini tan olgan.
Bola 14 yoshga to‘lmagani sababli muammoli yoki yordamga muhtoj oilalar farzandlari bilan ishlash muassasasiga joylashtirildi. So‘roq paytida qiz smartfon tufayli onasi bilan muammolar bo‘lganini tan oldi.
Politsiya qayd etishicha, qiz smartfon ishlatgani sabab onasi bilan janjallashib qolgan va qasd olish uchun uning uxlashini kutgan. Ayolga bir necha marta pichoq urilgan — uydan topilgan qonli pichoq ashyoviy dalil sifatida olingan.
Izoh (0)