AQSHda “Koinot go‘zali 2022” go‘zallik tanlovining finalida g‘oliblikni qo‘lga kiritgan amerikalik R’Bonni Gabrielga qimmatbaho toshlar bilan bezatilgan toj kiydirildi. Moneycontrol nashri toj narxini hisobladi.
Tanlovda 28 yoshli kelib chiqishi filippinlik bo‘lgan amerikalik qiz g‘alaba qozongan. Unga yoqut va qimmatbaho olmoslar bilan bezatilgan nok shaklidagi toj kiydirilgan. Tojning yuqori qismida og‘irligi 45,14 karat bo‘lgan ko‘k sapfir joylashgan. Bu tosh kelajakka bo‘lgan ishonch va harakat yaxshilikka yetaklashini anglatadi. Moneycontrol ma’lumotlariga ko‘ra, tojning narxi 5,58 million dollarga baholanadi.
“Koinot go‘zali” tanlovining finali qanday o‘tdi?
14-yanvar kuni Yangi Orleanda “Koinot go‘zali-2022” tanlovi natijalari e’lon qilindi. Go‘zallik tanlovi g‘olibi AQSH vakili R’Bonni Gabriel bo‘ldi. U ushbu musobaqada birinchi o‘rinni egallagan yettinchi amerikalik ayol hisoblanadi. Keyingi o‘rinlarni mos ravishda Venesuela va Dominikan Respublikasi vakillari qo‘lga kiritgan.
Mavzuga doir: Janubiy koreyalik qiz “Dunyo go‘zali–2022” g‘olibi bo‘ldi
Izoh (0)