Amerikalik R’Bonni Gabriel Nyu-Orlean shahrida o‘tkazilgan “Koinot go‘zali-2022” tanlovida g‘olib bo‘ldi. Bu haqda Insider xabar berdi.
R’Bonni 2022-yili “AQSH go‘zali” unvoniga sazovor bo‘lgan, u 1994-yilda Texasda tug‘ilgan. Ikkinchi o‘rinni Venesueladan qatnashgan nomzod qo‘lga kiritgan. Uchinchi pog‘onani Dominikan respublikasidan kelgan ishtirokchi egallagan.
Gabriel 10 yil ichida “Koinot go‘zali” tanlovida g‘olib chiqqan birinchi AQSH go‘zalidir. 2012-yilda bu tanlovda Olivia Kulpo g‘olib bo‘lgan. Tanlov davomida Gabriel “Koinot go‘zali” 28 yoshdan oshgan ayollarga tanlovda ishtirok etishiga ruxsat berishiga umid bildirgan.
“Men 28 yoshdaman va bu musobaqada qatnashish uchun eng baland yosh chegarasi. Mening eng sevimli iqtibosim: Hozir bo‘lmasa, qachon? Chunki ayol sifatida yosh bizni belgilamasligiga ishonaman. Hozir siz xohlagan narsangizga erishish mumkin bo‘lgan vaqt”, — degan u.
28 yoshli Gabriel Texasning Xyuston shahrida model, modelyer va tikuvchilik bo‘yicha o‘qituvchi. U moda dizayni bo‘yicha bakalavr darajasini qo‘lga kiritgan. Gabrielning AQSH go‘zali sifatidagi g‘alabasi sababli ko‘plab ishtirokchilar tanlov uning foydasiga soxtalashtirilganini da’vo qilgan.
“Men hech qachon g‘alaba qozonishimni biladigan biror-bir tanlov yoki musobaqada qatnashmayman. Halollikni yoqlayman. Shaffof bo‘lishni xohlayman, go‘zallik tanlovida hech qanday adolatsiz bo‘lmagan va hech narsa soxtalashtirilmagan”, — deydi u.
Mavuzga doir: Janubiy koreyalik qiz “Dunyo go‘zali–2022” g‘olibi bo‘ldi
Izoh (0)