АҚШда «Коинот гўзали 2022» гўзаллик танловининг финалида ғолибликни қўлга киритган америкалик Р’Бонни Габриэлга қимматбаҳо тошлар билан безатилган тож кийдирилди. Moneycontrol нашри тож нархини ҳисоблади.
Танловда 28 ёшли келиб чиқиши филиппинлик бўлган америкалик қиз ғалаба қозонган. Унга ёқут ва қимматбаҳо олмослар билан безатилган нок шаклидаги тож кийдирилган. Тожнинг юқори қисмида оғирлиги 45,14 карат бўлган кўк сапфир жойлашган. Бу тош келажакка бўлган ишонч ва ҳаракат яхшиликка етаклашини англатади. Moneycontrol маълумотларига кўра, тожнинг нархи 5,58 миллион долларга баҳоланади.
«Коинот гўзали» танловининг финали қандай ўтди?
14 январь куни Янги Орлеанда «Коинот гўзали-2022» танлови натижалари эълон қилинди. Гўзаллик танлови ғолиби АҚШ вакили Р’Бонни Габриэль бўлди. У ушбу мусобақада биринчи ўринни эгаллаган еттинчи америкалик аёл ҳисобланади. Кейинги ўринларни мос равишда Венесуэла ва Доминикан Республикаси вакиллари қўлга киритган.
Мавзуга доир: Жанубий кореялик қиз «Дунё гўзали–2022» ғолиби бўлди
Изоҳ (0)