Keyt Middltonning go‘zallik sirlari: Terining yosh ko‘rinishini saqlab qolishga yordam beradigan 3 ta maslahat

Uels malikasi Keyt Middlton go‘zallik va nafosat timsoli. U 41 yoshda, uchta farzandni dunyoga keltirgan, biroq hali ham chiroyli va yosh ko‘rinadi. Grazia nashti Shahzoda Uilyamning rafiqasi Keyt Middltonning yosh va sog‘lom terini saqlashga yordam beruvchi go‘zallik sirlarini taqdim etdi.

Terini namlantirishga yordam beradigan na’matak yog‘i

Tiniq va chiroyli ko‘rinadigan teri har doim muhim ahamiyatga ega. Ayniqsa, qirollik oilasi a’zolari uchun yuz terisi tashqi ko‘rinishning yanada mukammal bo‘lishini ta’minlaydi. Keyt Middlton ko‘p yillar davomida na’matak yog‘idan foydalanadi. U bu mahsulotni terining namligini oshirish uchun asosiy terini parvarish qilish tartibiga qo‘shimcha ravishda ishlatadi.

Yuz terisi uchun tungi niqoblar

Keyt tunda, uyqu vaqtida yuz terisi uchun foydali bo‘lgan kosmetikadan foydalanadi. Malika go‘zallik masalalarida kompleks yondashuv muhimligini biladi, shuning uchun u dam olish vaqtini e’tiborsiz qoldirmaydi. U haftada bir necha marta, tunda sivorotka va niqoblarni qo‘llaydi. Ushbu mahsulotlar tongda yuz terisini yanada ajoyib qiladi.

Nonushtadagi bo‘tqa

To‘g‘ri ovqatlanish — elastik terining yana bir kafolati hisoblanadi. Keyt uch farzandning onasi, shuning uchun u har kuni ko‘p energiya sarflaydi.  Malika nonushta kunning muhim ahamiyatga ega taomi ekanini biladi. Middlton suli yormasini yaxshi ko‘radi, biroq u nonushtaga faqat ushbu mahsulotni iste’mol qilmaydi. Malika tongni klassik yashil smuzi bilan boshlaydi.

U yuz terisining rangini tiniq va yorqin saqlash uchun karam, spirulina, ismaloq, romen va ko‘katlarni aralashtirib, antioksidant ichimliklar tayyorlaydi. Malikaning ixtiyorida har qanday mahsulot (va vizajistning) bo‘lishi mumkin, u yangi oziq-ovqat terining mustahkam bo‘lishiga yordam berishini biladi.

Mavzuga doir: 

• Rekord darajadagi summa: Uels malikasi Keyt Middlton 2022-yilda garderobiga qancha pul sarfladi?
• “Atrofdagilarning gap-so‘zlari e’tibor berishingizga arzimaydi”. Uels malikasi Keyt Middlton kamsitilishlar bilan qanday kurashgani haqida.
• Keyt Middltonning go‘zal va nafis bo‘lishiga yordam beradigan o‘ziga xos sirlari
• Keyt Middlton va Megan Markldan qirolichalarga xos obraz yaratish uchun layfxaklar (foto).