Vaqt hech kimni ayamaydi, deyishadi, lekin Gollivudning ba’zi yulduzlarini tomosha qilib, bunga ishonish qiyin. Yillar o‘tsa-da, ayrim mashhurlar hali ham o‘n yil avvalgidek yosh va chiroyli. Buning siri Oskar Uayldning romanidagi kabi sirli portretda emas, balki ajoyib genetika, malakali shaxsiy parvarish va go‘zallik mutaxassislarining ajoyib ishlarida bo‘lsa kerak.
Sandra Bullok
57 yoshli “Oskar” mukofotiga sazovor bo‘lgan aktrisa o‘zining go‘zal qomati va yuzi bilan faxrlanadi. Yulduz ajoyib jismoniy formada va ommaviy axborot vositalarida ko‘p “porlamaslikka” harakat qilib, to‘laqonli hayot kechiradi. Ko‘pchilik yulduz plastik operatsiya qildirgan deyishiga qaramay, u deyarli ularga murojaat qilmagan deb aytish mumkin. Aktrisa ko‘p yillar oldin rinoplastika qildirgan bo‘lishi mumkin, ammo bu fikr hali ham savol ostida.
Shuni ta’kidlash kerakki, Sandra kosmetik muolajalardan to‘g‘ri foydalanishni biladi: apparat usullari, piling, botulotoksin va filer inyeksiyalari. Terining sog‘lom porlashi, lablar va yonoqlarda to‘g‘ri hajmlarning mavjudligi buni aniq tasdiqlaydi. Shu bilan birga, aktrisa yuzidagi ajinlar uning yuzini haykalga aylantirmasdan “jonli” qiladi. Ushbu yondashuv bilan, aktrisa yana o‘n yildan keyin ham o‘zining yosh ko‘rinishi bilan hayratda qoldiradi.
Enn Xeteuey
Ajoyib genetikaning yana bir baxtli egasi — millionlar tomonidan sevilgan “Qattiqqo‘l xonim” filmi yulduzi Enn Xeteuey. 40 yoshida ham u plastik jarrohlarning yordamini rad etdi. U ko‘zlarning tabiiy ravishda osilgan tashqi burchaklarini tuzatmadi, burun shaklini o‘zgartirmadi.
Biroq u terini parvarish qilishda juda ehtiyotkor. Peshona sohasiga botoks inyeksiyalari, filer moddalari, plazmali lifting — bular, ehtimol, uning go‘zalligini saqlaydigan usullardir. Yulduz yoshga bog‘liq ba’zi o‘zgarishlarni boshdan kechirmoqda, ammo uning terisi namlangan va sog‘lom ko‘rinadi.
Jared Leto
Yulduzlar ro‘yxatimizdagi yana bir “qarimaydigan” musiqachi va aktyor Jared Leto. Muxlislar hatto uni vampir tishlab olgani va endi u abadiy yosh bo‘lib qolgani haqida hazillashadi. Letoning o‘zi, vegetarianizm va sport yaxshi holatda bo‘lishiga yordam berishini aytadi. Masalan, 51 yoshida musiqachi toqqa chiqishda faol ishtirok etadi. Shu bilan birga, ajinlarning yo‘qligi, masalan, peshona sohasida, botoks inyeksiyasining natijasi ekanligini va terining umumiy rangi plazmolifting va biorevitalizatsiya kabi protseduralar yordami bilanligini istisno qilmaydi.
Liv Tayler
Go‘zal Liv Taylerga qarab,uning 45 yoshda ekaniga ishonish qiyin. Shu bilan birga, yulduzni uch nafar bolaning onasi deb ayta olmaysiz ham.
Livning so‘zlariga ko‘ra, u har oyda bir marta kosmetologining niqoblar va yuz massajidan foydalangan holda uch bosqichli (tozalash, tetiklashtirish, namlash) ko‘rinishida uy sharoitida yuzini parvarish qiladi. Yulduzning turli yillardagi fotosuratlariga qarab, har qanday filer yoki boshqa turdagi operatsiyalardan foydalanish sezilmaydi, u deyarli hech narsani yashirmaydi. Tayler esa sport zalida mashg‘ulotlar va balet darslari yordamida o‘z vaznini nazorat qiladi.
Uill Smit
Afsonaviy “Xenkok” – Uill Smit hozir 54 yoshda, lekin u ajoyib formada. Uning fotosuratlarini ko‘rib, Uill Smitning tashqi ko‘rinishi yillar davomida deyarli o‘zgarmaganini payqash qiyin emas. Bir nechta ajinlar paydo bo‘lganini sezish mumkin, ammo umuman olganda terining holatini ideal deyish mumkin. Yulduzning so‘zlariga ko‘ra, uning o‘zi buning uchun hech narsa qilmaydi — u faqat sog‘lig‘ini diqqat bilan kuzatib boradi va faol hayot tarzini olib boradi, sport mashqlari va yugurishni afzal ko‘radi.
Mavzuga doir:
- Boshqa aktyorni tasavvur qilolmaydigan darajada qoyilmaqom ijro etilgan mashhur rollar
- Go‘zallik uchun qurbonlik: Koreya estrada yulduzlari millionlarning kumiriga aylanish uchun ularga qo‘yiladigan talablar
- Tashqi ko‘rinishi tufayli o‘zi xohlagan rollarni o‘ynay olmaydigan iqtidorli Gollivud aktrisalari
Izoh (0)