Кейт Миддлтоннинг гўзаллик сирлари: Терининг ёш кўринишини сақлаб қолишга ёрдам берадиган 3 та маслаҳат

Уэльс маликаси Кейт Миддлтон гўзаллик ва нафосат тимсоли. У 41 ёшда, учта фарзандни дунёга келтирган, бироқ ҳали ҳам чиройли ва ёш кўринади. Grazia нашти Шаҳзода Уильямнинг рафиқаси Кейт Миддлтоннинг ёш ва соғлом терини сақлашга ёрдам берувчи гўзаллик сирларини тақдим этди.

Терини намлантиришга ёрдам берадиган наъматак ёғи

Тиниқ ва чиройли кўринадиган тери ҳар доим муҳим аҳамиятга эга. Айниқса, қироллик оиласи аъзолари учун юз териси ташқи кўринишнинг янада мукаммал бўлишини таъминлайди. Кейт Миддлтон кўп йиллар давомида наъматак ёғидан фойдаланади. У бу маҳсулотни терининг намлигини ошириш учун асосий терини парвариш қилиш тартибига қўшимча равишда ишлатади.

Юз териси учун тунги ниқоблар

Кейт тунда, уйқу вақтида юз териси учун фойдали бўлган косметикадан фойдаланади. Малика гўзаллик масалаларида комплекс ёндашув муҳимлигини билади, шунинг учун у дам олиш вақтини эътиборсиз қолдирмайди. У ҳафтада бир неча марта, тунда сиворотка ва ниқобларни қўллайди. Ушбу маҳсулотлар тонгда юз терисини янада ажойиб қилади.

Нонуштадаги бўтқа

Тўғри овқатланиш — эластик терининг яна бир кафолати ҳисобланади. Кейт уч фарзанднинг онаси, шунинг учун у ҳар куни кўп энергия сарфлайди.  Малика нонушта куннинг муҳим аҳамиятга эга таоми эканини билади. Миддлтон сули ёрмасини яхши кўради, бироқ у нонуштага фақат ушбу маҳсулотни истеъмол қилмайди. Малика тонгни классик яшил смузи билан бошлайди.

У юз терисининг рангини тиниқ ва ёрқин сақлаш учун карам, спирулина, исмалоқ, ромен ва кўкатларни аралаштириб, антиоксидант ичимликлар тайёрлайди. Маликанинг ихтиёрида ҳар қандай маҳсулот (ва визажистнинг) бўлиши мумкин, у янги озиқ-овқат терининг мустаҳкам бўлишига ёрдам беришини билади.

Мавзуга доир: 

• Рекорд даражадаги сумма: Уэльс маликаси Кейт Миддлтон 2022 йилда гардеробига қанча пул сарфлади?
• «Атрофдагиларнинг гап-сўзлари эътибор беришингизга арзимайди». Уэльс маликаси Кейт Миддлтон камситилишлар билан қандай курашгани ҳақида.
• Кейт Миддлтоннинг гўзал ва нафис бўлишига ёрдам берадиган ўзига хос сирлари
• Кейт Миддлтон ва Меган Марклдан қироличаларга хос образ яратиш учун лайфхаклар (фото).