“Xalqlar do‘stligi” san’at saroyida yanvar va fevral oyida mashhur xonandalar, qiziqchi va millionlab muxlislarga ega kulgi jamoalarining konsert dasturi bo‘lib o‘tishi rejalashtirilgan. Quyida kutilayotgan konsertlar va ularning chipta narxlari haqida ma’lumot beriladi.
Osman Navro‘zov
Xonanda Osman Navro‘zovning 16—17-yanvar kuni “Xalqlar do‘stligi” san’at saroyida bo‘lib o‘tadigan konsert dasturining bilet narxlari 25 ming so‘mdan 300 ming so‘mgacha narxda sotilmoqda. Hozirda old qatorlardagi joylar sotib bo‘lingan, biroq orqa va qanot qismida joylashgan ba’zi joylarni sotib olish mumkin. Balkon qismida esa joylar yetarli. Xonandaning konsert dasturida qiziqchi Avaz Oxun ham ishtirok etadi.
“Xorazm yulduzlari” gala-konserti
Faqat xorazmlik xalqqa tanilgan xonandalar ishtirokida bo‘lib o‘tadigan ushbu konsert dasturi 20—21-yanvar kuni bo‘lib o‘tadi. Bilet narxlari joylarga qarab 40 000 so‘mdan 350 000 minggacha bo‘lgan narxda belgilangan. Konsert dasturida Og‘abek Sobirov, Hulkar Abdullayeva, Dilmurod Sultonov, Feruza Jumaniyozova va boshqa xorazmlik xonandalar ishtirok etishi rejalashtirilgan.
“Ona yurt ohanglari” gala-konserti
“Ona yurt ohanglari” nomli gala-konsert 22-yanvar kuni “Xalqlar do‘stligi” san’at saroyida bo‘lib o‘tadi. Old qatordagi joylarning narxi 250 ming so‘mni tashkil etadi. O‘rta qatordagi joylarni 120 mingdan 180 minggacha bo‘lgan narxda sotib olish mumkin.
Balkon qismidagi joylarning narxi esa 40 ming so‘mdan 50 000 so‘m qilib belgilangan. Konsert dasturida Dilnoza Kubayeva, Vohidjon Isoqov, Dilso‘z, Jasur Umirov, Guli Asalxo‘jayeva, Xurshid va Sardor Rasulovlar, shuningdek, boshqa mashhur xonandalar ishtirok etadi.
“Salom Yangi yil” nomli gala-konsert
“Salom Yangi yil” nomli gala-konsert dasturida Sobirjon Mo‘minov, Jenisbek Piyazov, Zulayho Boyxonova, Zohirshoh Jo‘rayev, Anvar Sobirov, Ilhom Farmonov kabi xonandalar ishtirok etadi, bu konsert dasturida o‘zingiz istagan har qanday joyni sotib olishingiz mumkin, biletlar yetarli. Chiptalar narxi esa 30 ming so‘mdan 200 ming so‘mgacha qilib belgilangan.
“Aristokratlar” kulgi jamoasi
“Aristokratlar” kulgi jamoasining konsert dasturi 4—5-fevral kuni bo‘lib o‘tadi. Konsert dasturidagi biletlarni 300 ming so‘mdan 40 minggacha sotib olish mumkin. Old qatordagi joylar deyarli tugagan, o‘rta qator va qanot qismidagi joylarni esa sotib olish mumkin. Balkondagi joylar esa yetarli.
Shohruxxon
Xonanda Shohruxxonning “Xalqlar do‘stligi” san’at saroyidagi konsert dasturi 9-fevraldan 14-fevralgacha bo‘lib o‘tadi. Old qatordagi joylar deyarli sotib bo‘lingan. Orqa, o‘rta, qanot va balkon qismidagi joylarni sotib olish mumkin. Bilet narxlari 25 ming so‘mdan 350 minggacha. O‘rta qatordagi joylarni 80 mingdan 180 minggacha sotib olsa bo‘ladi.
Yulduz Usmonova
O‘zbekiston xalq artisti Yulduz Usmonovaning konsert dasturi 16-fevraldan 28-fevralgacha bo‘lib o‘tadi. Old qatordagi biletlar qolmagan, biroq o‘rta va orqa qatordagi, balkondagi biletlarni sotib olsa bo‘ladi. Bilet narxlari 35 ming so‘mdan 450 ming so‘mgacha qilib belgilangan.
Izoh (0)