2022-yilda Rossiya va Xitoy o‘rtasidagi savdo hajmi yillik hisobda 29,3 foizga o‘sdi. Yil yakuniga ko‘ra, bu ko‘rsatkich rekord darajadagi 190,27 milliard dollarni tashkil etdi. Bu haqda Xitoy Xalq bojxona bosh boshqarmasi ma’lumotlariga tayanib, “Kommersant” xabar bermoqda.
Rossiyadan Xitoyga import 114,15 milliard dollarni tashkil etdi, bu 2021-yilga nisbatan 43,4 foizga ko‘pdir. Xitoydan Rossiyaga eksport hajmi 12,8 foizga o‘sib, 76,12 dollarni tashkil qildi. Rossiyaning ijobiy saldosi qariyb uch barobarga oshib, 38 milliard dollarga yetdi. Bu esa asosan neft bilan bog‘liq.
Dekabr oyi oxirida Rossiya va Xitoy o‘rtasidagi tovar ayirboshlash hajmi 3 foizga kamayib, 17,8 milliard dollarni tashkil etdi. Rossiyadan Xitoyga import hajmi 8,996 milliard dollarni, Xitoydan Rossiyaga eksport hajmi 8,808 milliard dollar bo‘ldi.
2021-yilda Rossiya va Xitoy o‘rtasidagi tovar ayirboshlash hajmi 146,887 milliard dollarni tashkil etgandi, bu 2020-yilga nisbatan 35,8 foizga ko‘pdir.
Rossiya prezidenti Vladimir Putin va Xitoy yetakchisi Si Szinpin 2024-yilga borib mamlakatlar o‘zaro tovar ayirboshlash hajmini yiliga 200 milliard dollargacha oshirishi kerakligini aytgandi.
Financial Times ma’lumotlariga ko‘ra, 2022-yil noyabriga kelib Xitoy Rossiyaning asosiy savdo sherigiga aylandi, ammo o‘sha paytdagi savdoga koronavirus cheklovlari bunga baribir to‘sqinlik qilgan.
Reuters agentligining xabar berishicha, 2022-yilda Rossiya Xitoyga suyultirilgan uglevodorod gazlari yoki suyultirilgan neft gazining temiryo‘l eksportini ham ikki baravar oshirdi.
Dekabr va yanvar oylarida Xitoy savdo va iqtisodiy rivojlanishga salbiy ta’sir ko‘rsatgan koronavirusga qarshi chora-tadbirlarning bir qismini yumshatdi.
Xitoy va Rossiya O‘zbekistonning tashqi savdodagi asosi hamkorlari ham hisoblanadi.
Izoh (0)