2022-yil oxirida Xitoyning iste’mol narxlari indeksi (CPI) (inflyatsiyaning asosiy ko‘rsatkichi) 2 foizni tashkil etdi. Bu haqda Xitoy Davlat statistika boshqarmasiga tayanib, “Kommersant” xabar bermoqda.
Xitoyda o‘tgan yil davomida avtomobillar uchun yonilg‘i narxi eng ko‘p ko‘tarildi — 20,9 foizga oshdi. Shuningdek, meva tannarxi 12,9 foizga oshgan. Narxlarni pasayishi bo‘yicha birinchi o‘rinda cho‘chqa go‘shti turadi, u 6,8 foizga arzonladi.
2022-yil dekabr oyida inflyatsiya darajasi 1,8 foizni tashkil etdi. Oziq-ovqat mahsulotlari 4,8 foizga, iste’mol tovarlari 2,6 foizga, boshqa tovarlar 1,1 foizga qimmatlashdi.
2020-yil oxirida CPI 2,5 foiz, 2021-yil 0,9 foizedi. 2021-yilda Xitoy hukumati inflyatsiyani 3 foizga ko‘tarishni maqsad qilgandi.
Xitoy O‘zbekistonning tashqi savdodagi asosiy hamkori hisoblanadi. O‘zbekistonda inflyatsiya 2022-yilda 12,3 foizni tashkil qilgan.
Izoh (0)