Xitoyning 43 ta harbiy samolyoti Tayvan bo‘g‘ozini kesib o‘tdi

Xitoy harbiy-havo kuchlarining 43 ta samolyoti so‘nggi 24 soat ichida Tayvan bo‘g‘ozining o‘rta chizig‘ini kesib o‘tdi. Bu haqda Reuters xabar berdi.

Ma’lumot Tayvan Tashqi ishlar vazirligi tomonidan e’lon qilingan. Bu hodisa Xitoy orol davlati ularning davlat-ma’muriy tarkibiga tegishliligi haqidagi bayonotlari fonida sodir bo‘lmoqda. Tayvanni o‘z hududi deb hisoblaydigan Xitoy 25-dekabrda Tayvan atrofidagi dengiz va havo hududida “zarba mashqlari” o‘tkazdi. Bu AQSH va Tayvanning provokatsiyalariga javob ekani ta’kidlanadi.

Xitoyning suverenitet da’vosini qat’iyan rad etgan Tayvan, mashg‘ulotlar Pekin mintaqa tinchligini buzayotgani va Tayvan xalqini qo‘rqitishga urinayotganini bildirdi.

Tayvan Mudofaa vazirligi tomonidan taqdim etilgan xaritaga ko‘ra, orol davlati yaqinida Xitoy harbiy-dengiz kuchlarining yettita kemasi ham topilgan. Tayvan Xitoy samolyotlarini ogohlantirish uchun noma’lum jangovar samolyotlarni havoga ko‘targan.

So‘nggi yillarda Xitoy o‘zini o‘zi boshqaradigan orolga Pekin hukmronligini tan olish uchun bosimni kuchaytirdi. Tayvan hukumati tinchlikni xohlashini, ammo hujumga uchrasa, o‘zini himoya qilishini ta’kidlamoqda.

23-dekbar kuni Xitoyning 39 ta samolyoti Tayvanning havo mudofaa zonasiga kirgandi. Shuningdek, orol yaqinida Xitoy flotining uchta harbiy kemasi qayd etilgan. Tayvan havo mudofaa tizimlari Xitoy samolyotlarining harakatini kuzatgan. Tayvan qiruvchi samolyotlari havoga ko‘tarilgan.