Хитой самолётлари Тайваннинг жануби-ғарбий ҳаво мудофаа зонасига кирди. Бу ҳақда Тайван миллий мудофаа вазирлиги Twitter’даги саҳифасида маълум қилди.
Маълум қилинишича, Хитой армиясининг саккизта самолёти ва учта ҳарбий-денгиз кемаси оролнинг ҳаво ҳужумидан мудофаа зонасига кирган. Тайван Мудофаа вазирлиги ҳарбийлари вазиятни кузатаётганини маълум қилган. CАП самолётлари, денгиз флоти кемалари ва ердаги ракета тизимларига ушбу ҳаракатларга жавоб бериш учун кўрсатма берилган.
Аниқланган самолётлардан иккитаси, Су-30 ва Й8-ЭW Тайванни материк Хитойдан ажратиб турувчи норасмий буфер зонаси бўлган Тайван бўғозининг мередиан чизиғини кесиб ўтган ва Тайваннинг жануби-ғарбий ҳаво мудофаасини аниқлаш зонасига кирган. Бу сўнгги ҳафтада Хитой армияси Тайван бўғозининг ўрта чизиғини тўртинчи марта кесиб ўтишидир.
9 январда ҳам Хитой Халқ озодлик армиясининг 57 та самолёти ва тўртта кемаси Тайванга туташ ҳудудга кирганди. 26 декабрда ҳам Хитойнинг 43 та ҳарбий самолёти Тайван бўғозини кесиб ўтган. Тайванни ўз ҳудуди деб ҳисоблайдиган Хитой 25 декабрда Тайван атрофидаги денгиз ва ҳаво ҳудудида «зарба машқлари» ўтказди. Бу АҚШ ва Тайваннинг провокацияларига жавоб экани таъкидланади.
Мавзуга доир: Тайван билан ҳарбий низо юз берган тақдирда, Хитой ғолиб бўлиши даргумон — америкалик экспертлар
Изоҳ (0)