Uyquga yotishdan avval nimadir tanovul qilib olish aksariyat insonlarda odatiy holga aylangan. Qolaversa, tunda iste’mol qilinadigan mahsulotlar ko‘proq shirinliklarni tashkil qiladi va bu nafaqat vazn ortishiga, balki salomatlikka ham ta’sir qiladi. Marie Claire nashri qomatga zarar yetkazmasdan kechqurun ham yeyish mumkin bo‘lgan mahsulotlarni sanab o‘tdi.
Pishirilgan olma
Nima uchun pechda pishirilgan olma tunda ochlikni qondirishning ajoyib usuli hisoblanadi? Hammasi juda oddiy. Gap shundaki, yangi suvli olma ishtahani qo‘zg‘atadi. Och qoringa sevimli meva iste’mol qilingach, oshqozonni zararli taomlar bilan to‘ldirish istagi paydo bo‘ladi. Shuning uchun ham pechda pishirilgan olma yaxshi tanlov. Bundan tashqari, asal va dolchin bilan pishirilgan olma desertning o‘rnini bosishi mumkin, har qanday usulda pishirilgan olma tarkibidagi moddalar sifatli uyquga yordam beradi.
Qo‘ziqorinlar
Albatta, qovurilgan qo‘ziqorinlarni sous va kartoshka bilan ortiqcha iste’mol qilmaslik kerak. Shuning uchun qaynatilgan yoki bug‘da pishirilganlari bilan cheklangan yaxshiroq. Aytgancha, agar qo‘ziqorinlar barcha qoidalarga muvofiq pishirilsa, parhezbop mazali taom sifatida iste’mol qilinishi mumkin. To‘g‘ri, konservalangan qo‘ziqorinlar bu borada tavsiya etilmaydi, chunki u jigar salomatligiga salbiy ta’sir o‘tkazishi mumkin.
Bodom
Yong‘oqlar to‘yimli va juda foydali narsadir, shuning uchun u kechda iste’mol qilish uchun juda mos keladi. O‘n dona bodom nafaqat ochlikni qondirishga yordam beradi, balki organizmni B vitaminlari va magniy bilan ta’minlaydi. Ammo yong‘oq organizm uchun foydali moddalar ombori bo‘lishiga qaramay, uning kaloriyasi juda yuqori.
Tovuq filesi
Ushbu turdagi go‘sht parhezbop hisoblanadi — ochlikni mukammal va tez qondirish uchun maksimal oqsil miqdori. Boshqacha qilib aytganda, pechda pishirilgan yoki tuzsiz pishirilgan fileda deyarli yog‘ yo‘q. Kechasi sendvich bilan o‘zini mehmon qilmoqchi bo‘lganlar kolbasani bir bo‘lak tovuq go‘shtiga almashtirishi mumkin.
Bo‘tqa
Bo‘tqa — ertalab ham, kechqurun ham ochlikni qondirishning ajoyib usuli. To‘g‘ri, bo‘tqani yog‘li sut, shakar va murabbo qo‘shmasdan pishirish afzalroq. Shundagina u foydali bo‘ladi va vaznga salbiy ta’sir o‘tkazmaydi.
Selder
Ushbu mahsulotning foydali xususiyatlari uzoq vaqtdan beri ma’lum bo‘lishiga qaramay, uning ta’mini hamma ham yoqtirmaydi. Biroq selder vazn uchun mutlaqo xavfsiz. Bundan tashqari, u yetarli miqdorda suv va kletchatkaga ega, ya’ni tezda to‘qlik hissini beradi.
Sushi
Sushilarning o‘rtacha porsiyasida taxminan 350 kilokaloriya, yog‘ miqdori esa ancha past — 3,6 gramm. Sendvichda esa taxminan 15 gramm bunday yog‘lar mavjud. Ammo sushi mutlaqo yangi bo‘lishi kerak, ya’ni yapon taomi tayyorlangandan so‘ng darhol iste’mol qilinishi lozim. Shuning uchun eng yaxshi variant — bu yeguliklarni uyda tayyorlashdir, ammo bu oson emas.
Sut
Qomatini qat’iy kuzatadigan har bir ayol esda tutishi kerak: doimiy cheklovlar tufayli organizmda sezilarli darajada kalsiy yetishmovchiligi paydo bo‘ladi, ya’ni sut nafaqat ochlikni qondirish, balki organizmni tiklash uchun ham kerak bo‘lgan mahsulotdir. Kalsiydan tashqari sutda 20 ga yaqin muhim aminokislotalar mavjud bo‘lib, sut oqsili odam tomonidan deyarli butunlay so‘riladi.
Izoh (0)