Shahzoda Garri bilan turmush qurishdan oldin Sasseksning bo‘lajak gersoginyasi u uchun shaxsiy ovqatlanish tizimini ishlab chiqqan taniqli parhezshunosga murojaat qildi, deb yozadi Marie Claire.
Megan Markl nikoh to‘yi kuni ajoyib ko‘rinishga ega bo‘ldi va buning sababchisi sog‘liqni saqlash mutaxassisi, parhezshunos Gabriela Pikok bo‘lib, uning tavsiyalari tufayli shahzoda Garrining rafiqasi ajoyib ko‘rinishga erishdi.
Gabrielaning so‘zlariga ko‘ra, u yangi parhezlarga ishonmaydi, ammo vazn yo‘qotishning tasdiqlangan usullarini afzal ko‘radi. Hamma narsaning asosi — to‘yimli nonushta, tushlik hamda kechki ovqat uchun uglevodlar iste’mol qilishni kamaytirish. Bundan tashqari, ovqatlanish mutaxassisi vazn yo‘qotishning maxsus usulini ham o‘rtoqlashdi, bu nafaqat vazn kamaytirishga, balki salomatlik va yoshlikni saqlab qolishga ham yordam beradi.
“Men ma’lum vaqt davomida ochlik bilan ozish tarafdoriman. Bu vazn yo‘qotishning haqiqatan ham sog‘lom usuli. Bu hujayralarning qarish tezligini pasaytiradi — organizmga ozgina tanaffus berish orqali oltinchi yoki yettinchi kunga kelib inson o‘zini ajoyib his qila boshlaydi”, — deydi Gabriela.
Shuningdek, uning ko‘plab mijozlari, shu jumladan Megan Markl ham ratsioniga yashil sharbatni qo‘shganini ma’lum qildi: “Yashil sharbat — qahvaning ajoyib o‘rinbosari. U tetiklantiradi, organizmdagi ovqat hazm qilish jarayonlarini yaxshilaydi va uzoq vaqt davomida ochlik tuyg‘usini bostiradi. Sharbat olma, ismaloq, limon, zanjabildan tayyorlanadi va rezavorlar yoki bodom suti bilan shirin ta’m berish mumkin.
Xabar qilinishicha, Sasseks gersoginyasiga mutaxassis bilan hamkorlik shu qadar yoqqanki, u parhezshunosning har bir tavsiyasiga qat’iy amal qilgan. Qolaversa, hozirda ham yangi maslahatlar uchun muntazam ravishda unga murojaat qiladi. Masalan, u Meganga homiladorlik davridan keyin ham ortiqcha vazndan xalos bo‘lishga yordam bergan.
Aytgancha, nafaqat shahzoda Garrining rafiqasi ushbu taniqli parhezshunosga murojaat qilgan. Balki to‘yidan oldin malika Beatris ham Gabriela bilan ovqatlanish va jismoniy faollik haqida maslahatlashgan.
Izoh (0)