Organizmning erta qarishi bir necha omillar bilan bog‘liq bo‘lishi mumkin. Nosog‘lom turmush tarziga amal qilish bilan birga zararli mahsulotlarni iste’mol qilish ham eng ko‘p tarqalgan sabablardan hisoblanadi. “Domashniy ochag” nashri erta qarishni oldini olish uchun kamroq iste’mol qilish kerak bo‘lgan mahsulotlarni sanab o‘tdi.
Margarin
Margarinda surunkali kasalliklarning kelib chiqish xavfini ortishiga sabab bo‘luvchi transyog‘lar mavjud. Bundan tashqari, organizmdagi suv balansining buzilishi bilan yog‘ning ushbu turi o‘rtasida aloqadorlik ham yo‘q emas. Surunkali suvsizlanish esa tana a’zolarining erta qarishi va ajin paydo bo‘lishiga olib kelishi mumkin.
Yarim tayyor mahsulotlar
Tanovuldan oldin mikroto‘lqinli pechda isitishning o‘zi yetarli ekani bilan vaqtni tejashga yordam beradigandek tuyiladigan yarim tayyor mahsulotlar tarkibida tuz serob bo‘ladi. Ular vaqtni tejashga ko‘mak berayotgandek tuyilgani bilan salomatlikka salbiy ta’sir qiladi. Ushbu mahsulotlarni me’yordan ortiq iste’mol qilish shishlar paydo bo‘lishi va teri holatining yomonlashishiga olib keladi.
Energetik ichimliklar
Ertalabki energiya yetishmasligi uyquning yetarli bo‘lmagani va kech uxlash bilan bog‘liq bo‘lishi mumkin. O‘n yil avval qarishni xohlamaydiganlar uchun bunday zararli ichimliklardan tiyilish tavsiya qilinadi. Gap shundaki, shakar, kofein, natriy hamda kislotalar miqdori juda ham ko‘p ekani hisobiga energetiklar tish emalidan tashqari, hazm tizimiga salbiy ta’sir qiladi. Peshob haydashni jadallashtirgani tufayli esa organizmda suvsizlanish kuzatiladi.
Shirinliklar
Erta qarishga olib keladigan eng birinchi raqamli dushman ekani sabab shakar iste’moli borasida me’yorni bilish juda muhimdir. Gap shundaki, glyukozaning ortiqchasi surunkali kasalliklar va qandli diabet kelib chiqishi xavfini oshirishdan tashqari, saraton hujayralarining oziqlanishiga ham hissa qo‘shadi.
Glisemik indeks ko‘rsatkichi yuqori bo‘lgan mahsulotlar
Non, makaron va oq undan tayyorlanadigan boshqa mahsulotlar tarkibidagi tez singadigan uglevodlar qondagi qand miqdorini oshishiga olib kelishi mumkin. Olimlar glisemik indeks ko‘rsatkichi yuqori bo‘lgan mahsulotlar va erta qarish o‘rtasida bog‘liqlik borligini allaqachon aniqlagan. Husnbuzar va teri bilan bog‘liq muammolar kuzatilsa, ratsiondagi mahsulotlarni o‘zgartirish tavsiya qilinadi.
Spirtli ichimliklar
Spirtli ichimliklarni iste’mol qilish organizmda radikal o‘zgarishlar, ayniqsa, hujayralar yangilanishiga javob beradigan A vitamini tanqisligiga olib keladi.
Kolbasa va boshqa go‘sht mahsulotlari
Avval o‘tkazilgan tadqiqotlarda, kolbasa va shunga o‘xshash boshqa mahsulotlar tarkibidagi nitrat va nitritlar onkologik kasalliklar kelib chiqishi xavfini orttirishi aniqlangan. Ushbu moddalar organizmda hujayralar oksidlanishi va ularning o‘zgarishiga olib keladi. Ushbu jarayon yuz terisi uchun o‘ta xavfli. Shu bois ham kolbasa va sosiska o‘rniga oqsilga boy tabiiy go‘sht mahsulotlarini iste’mol tavsiya qilinadi.
Izoh (0)