Ko‘pchilik uchun dam olish kunlari va bayramlar oshxonada tajriba o‘tkazish uchun ajoyib imkoniyatdir. Kimdir yangi taomlar tayyorlashga harakat qiladi, boshqalari sevimli retseptlarga yangiliklar qo‘shadi. Ayrim ziravorlardan foydalanib, nafaqat taomlarga qo‘shimcha lazzat qo‘shish, balki salomatlikni asrash, go‘zallikni saqlash va umrni uzaytirish mumkin, deb yozadi Marie Claire.
Zarchava — zanjabillar oilasiga mansub o‘simlikdir. U ko‘pincha oladye, nonushta, sho‘rva va barcha turdagi foydali taomlar, shuningdek, ichimliklardan smuzilarga qo‘shiladi.
Amerika Rutgers universitetining yangi tadqiqoti shuni ko‘rsatadiki, agar zarchava fenilizotiyosiyanat bilan birlashtirilsa, u prostata saratoni xavfini kamaytirishi mumkin. Zarchava tarkibidagi asosiy birikma kurkumindir. Olimlar zarchavaga o‘zining ijobiy xususiyatlarini beradigan ushbu birikma ekanini aniqladi. Prostata saratoni xavfini kamaytirishdan tashqari, ushbu mashhur ziravorning sog‘liq uchun boshqa foydalari ham bor. Undan yurak xastaliklari va hatto Alsgeymer xavfini kamaytirish uchun foydalaniladi. Biroq tadqiqotchilar ta’kidlashicha, ta’sir uchun juda yuqori dozalar va bu sohada ko‘proq tadqiqotlar talab etiladi.
Umuman olganda, kurkuminning o‘zi tabiiy yallig‘lanishga qarshi vosita hisoblanadi. Ba’zi tadqiqotlar zarchavaning ta’sirini ko‘rib chiqdi va artritli bemorlarda simptomlarning yaxshilanishini aniqladi. Qizig‘i shundaki, kurumin spirtli ichimlik va chekish qarshi kurashda ham qo‘llaniladi, chunki u jigarning neytrallash funksiyasini oshiradi va xoleretik ta’sirga ega.
Bundan tashqari, zarchava energiya berishi tufayli ko‘pchilik qahvani unga asoslangan ichimliklar bilan almashtirishga qaror qildi. Shuningdek, oddiy choyga ham ziravordan qo‘shish mumkin — bir chimdim kifoya qiladi. Qizig‘i shundaki, ko‘plab mashhur parhezlar zarchavani asosiy taomlarga kiritish uchun mo‘ljallangan, chunki u ovqat hazm qilish jarayoniga ijobiy ta’sir ko‘rsatadi, ichaklarni davolaydi va diareya hamda qorin dam bo‘lishi uchun samarali hisoblanadi. Ziravorlar brokkoli va boshqa sabzavot, ko‘katlar bilan iste’mol qilinganda, yanada foydali sanaladi.
Ammo ziravorlarning foydali xususiyatlari shu bilan tugab qolmaydi. Zarchava nafaqat jismoniy, balki ruhiy salomatlik uchun ham foydali bo‘lishi mumkin. Kichik bir tadqiqot shuni ko‘rsatdiki, kurkumin antidepressant sifatida ta’sir qiladi. Yosh ulg‘ayganda, nafaqat hissiy muvozanat haqida, balki uzoq umr ko‘rish borasida ham samarali bo‘lishi mumkin. Ushbu ziravor yallig‘lanishga qarshi samarali vosita bo‘lib, demensiya, yurak kasalliklari va saratonning turli shakllari xavfini kamaytirish orqali u nafaqat sog‘lom hayot, balki umr davomiyligini ham oshiradi.
Shuni ta’kidlash kerakki, zarchavaning bir o‘zini iste’mol qilish uzoq yillik umrni kafolatlamaydi. Zarchava muntazam ravishda iste’mol qilinishi bilan birga, sog‘lom va to‘g‘ri ovqatlanishning ham nazorat qilish kerak, u jismoniy mashqlar va boshqa muhim odatlar bilan birga to‘ldirilishi lozim.
Bundan tashqari, zarchavaning keng qamrovli foydali ta’sirini tasdiqlash va mavjud ma’lumotlarni batafsil bayon qilish uchun ko‘proq tadqiqotlar talab etiladi, ammo hozirgacha barcha dalillar uning foydasiga. Qizig‘i shundaki, ziravorning foydali ta’siri nafaqat uni iste’mol qilganda, balki go‘zallik mahsulotlarining tarkibiy qismi sifatida ham qayd etiladi.
Izoh (0)