Hindiston birinchi marta Yaponiyani ortda qoldirib, Xitoy va AQSHdan keyin dunyodagi uchinchi yirik avtomobil bozoriga aylandi. Bu haqda seshanba kuni Hindiston avtomobil ishlab chiqaruvchilari jamiyatiga tayanib “TASS” xabar bermoqda.
2022-yilda Hindistonda 4,25 million avtomobil, shu jumladan yengil avtomobillar va tijorat avtomobillari sotilgan.
Janubiy Osiyo mamlakatida avtomobillar sotuvining o‘sishi qondirilmagan talabni qoplash va avtomobil ishlab chiqaruvchilar tomonidan ishlab chiqarishni ko‘paytirish hisobiga erishildi.
Xitoyda 2022-yilda avtomobillar savdosi 1,7 foizga oshib, 26,75 million donani tashkil qilgan bo‘lsa, AQSHda avtomobillar savdosi o‘tgan yilning shu davriga nisbatan 7,8 foizga kamayib, 13,89 million donani tashkil etdi.
Dastlabki ma’lumotlarga ko‘ra, Nikkei Yaponiya nashri ma’lumotlariga ko‘ra, 4,2 million dona avtomobil sotgan. Bu 2021-yilga nisbatan 5,6 foizga kam.
2021-yilda jahon bozorida Xitoy 26,27 million avtomobil sotuvi bilan yetakchilik qilgandi, undan keyin AQSH (15,4 million) va Yaponiya (4,44 million) joy olgan.
2018-yilda Hindistonda taxminan 4,4 million avtomobil sotilgan, biroq 2019-yilda sotuvlar 4 millionga tushdi.
2020-yilda COVID-19 pandemiyasi tufayli ko‘rsatkich 3 milliondan pastga tushgan. Biroq, Hindistonda avtomobil savdosi 2021-yilda tiklanib, 4 millionga yetgandi.
Biroq Hindiston avtosanoatida yarimo‘tkazgichli chiplarning yetishmasligi 2021-yilda va 2022-yilning birinchi oylarida mamlakatda avtomobil ishlab chiqarish o‘sishini sekinlashtirdi.
Hindistonda avtomobillar savdosi mamlakat aholisining ko‘payishi va mamlakatda past bo‘lib qolayotgan 8,5 foizni tashkil etuvchi avtomobillarga talab ortishi bilan o‘sib bormoqda.
Avvalroq GM AQSH bozorida Toyota'ni ortda qoldirib, yetakchilikni qaytarib olgani haqida xabar berilgan edi.
Izoh (0)