Alibaba Group Istanbul va Anqara chekkalarida logistika va ma’lumotlar markazi qurilishiga 1 milliard dollardan ortiq sarmoya kiritmoqchi. Bu haqda Xitoy kompaniyasi prezidenti Jon Maykl Evansga tayanib “Kommersant” xabar bermoqda.
Evansning so‘zlariga ko‘ra, kompaniya Istanbul aeroportida logistika bazasini, shuningdek, Temelli shahrida joylashgan 200 000 kvadrat metr maydonga ega Turkiyaning eng yirik ma’lumotlarni qayta ishlash markazini qurish niyatida.
Alibaba prezidentining so‘zlariga ko‘ra, Istanbuldagi baza Yevropa va Yaqin Sharqqa tovarlar yetkazib berish zanjirida asosiy nuqtaga aylanishi mumkin.
Turkiya infratuzilmasiga keng ko‘lamli sarmoya kiritish esa oxir-oqibat Alibaba’ga daromadni sezilarli darajada oshirish imkonini beradi.
Alibaba’ning 2022-yildagi moliyaviy natijalari 2014-yilda IPO‘dan keyin deyarli eng zaif ko‘rsatkich bo‘ldi.
Shunday qilib, Xitoy texnologiya kompaniyasining daromadi yil yakuniga ko‘ra yillik hisobda atigi 3 foizga o‘sib, 207,2 milliard yuanga (29,12 milliard dollar) yetdi.
Izoh (0)