Janubiy Koreyaning Samsung sanoat giganti (Samsung Engineyering bo‘limi) Tayvanning CTCI Corporation kompaniyasi bilan Qatarda neft-kimyo zavodi qurish tenderida g‘olib chiqdi. Bu haqda kompaniyaga tayanib “TASS” xabar bermoqda.
Bitim qiymati qariyb 2,5 milliard dollarni tashkil etadi. Tenderga ko‘ra, Samsung Engineyering etilen sintezi bo‘yicha ishlab chiqarish quvvatlarini tashkil etish bilan shug‘ullanadi. Tayvan kompaniyasi esa zavodning qolgan infratuzilmasini quradi. Qurilish ishlari 2026-yil oxirigacha yakunlanishi kutilmoqda.
“Ta’kidlash joizki, ushbu loyiha eng yirik etilen ishlab chiqarish quvvatlaridan birini tashkil etish imkonini beradi, uning yillik hajmi 2,08 million tonnani tashkil etadi. Samsung Engineyering loyihani muvaffaqiyatli amalga oshirishga qodir”, — deyiladi kompaniya bayonotida.
Bitim Dohadan bir necha o‘nlab kilometr uzoqlikda joylashgan va neft-kimyo, jumladan, suyultirilgan gaz ishlab chiqarishga ixtisoslashgan Ras Laffan sanoat markazini rivojlantirish loyihasining bir qismidir. Shartnomadagi buyurtmachi — Ras-Laffan Petrochemincals.
Mavzuga doir: Tarixda birinchi marta ayol kishi Samsung kompaniyasida prezident lavozimini egalladi
Izoh (0)