GM AQSH bozorida Toyota'ni ortda qoldirib, yetakchilikni qaytarib oldi

Amerika avtomobil ishlab chiqaruvchisi General Motors (GM) 2022-yilda sotuvlar bo‘yicha Yaponiyaning Toyota Motor kompaniyasini ortda qoldirib, AQSH bozorida o‘z yetakchiligini tikladi. Bu haqda Bloomberg xabar berdi.

AQSH bozorida GM sotuvi o‘tgan yili 3 foizga oshib, 2 million 274 088 ming dona avtomobilni tashkil qildi. GM elektromobillarining sotuvi 58 foizga oshib, 39 179 mingtaga yetdi.

Shu bilan birga, Toyota AQSHda 2 108 458 ta avtomobil sotdi, bu 2021-yilga nisbatan 10 foizga kam. Toyota elektromobillari, jumladan, gibrid avtomobillari sotuvi 14 foizga tushib, 504 016 mingtani tashkil qildi.

Joriy yilning to‘rtinchi choragida GM AQSHda 623 261 ta avtomobil sotdi (o‘tgan yilning shu choragiga nisbatan +41 foiz), shu jumladan, 16 266 ta elektromobil (+62 foiz).

Oktabr—dekabr oylarida AQSH bozorida Toyota savdosi 536 744 ming dona avtomobilni tashkil etdi.

2021-yilda Toyota 1931-yildan beri birinchi o‘rinni egallab turgan GMni ortda qoldirib, birinchi marta sotuvlar bo‘yicha AQSH bozori yetakchisiga aylangandi.

GM 2022-yilda yana yetakchilikni qo‘lga kiritgan bo‘lsa-da, kompaniyaning savdosi Covid-19dan oldingi darajadan ancha past bo‘lib qoldi.