Microsoft 2023-yil 10-yanvardan boshlab Windows 8.1 operatsion tizimini qo‘llab-quvvatlashni to‘xtatadi. Bu haqda kompaniya saytida xabar berildi.
“Eslatib o‘tamiz, Windows 8.1 ni qo‘llab-quvvatlash 2023-yilning 10-yanvarida tugaydi, bu vaqtda texnik yordam va dasturiy ta’minot yangilanishlari mavjud bo‘lmaydi”, — deyiladi saytda.
Bundan tashqari, kompaniya Windows’ning ushbu versiyasi uchun kengaytirilgan xavfsizlikni yangilash dasturini taklif qilmaydi, deyiladi veb-saytda.
“2023-yil 10-yanvardan keyin Windows 8.1 dan foydalanishni davom ettirish tashkilotning xavfsizlikka ta’sirini oshirishi yoki uning muvofiqlik majburiyatlarini bajarish qobiliyatiga ta’sir qilishi mumkin”, — deydi kompaniya.
Kompaniya Windows 8.1 operatsion tizimida ishlaydigan qurilma egalariga o‘z qurilmalarini yangiroq versiyaga yangilashni tavsiya qiladi.
Agar qurilmalar texnik jihatdan operatsion tizimning so‘nggi versiyasini ishga tushirish talablariga javob bermasa, kompaniya qurilmani Windows 11 ni qo‘llab-quvvatlaydigan boshqasiga almashtirishni tavsiya qiladi.
Korporatsiya 2013-yilda ushbu operatsion tizimni taqdim etgandi.
Mavzuga doir: Tarixdagi eng yirik san’at auksioni: Microsoft asoschilaridan birining milliard dollarlik san’at to‘plami sotuvga qo‘yilmoqda
Izoh (0)