Ҳиндистон биринчи марта Японияни ортда қолдириб, Хитой ва АҚШдан кейин дунёдаги учинчи йирик автомобиль бозорига айланди. Бу ҳақда сешанба куни Ҳиндистон автомобиль ишлаб чиқарувчилари жамиятига таяниб «ТАСС» хабар бермоқда.
2022 йилда Ҳиндистонда 4,25 миллион автомобиль, шу жумладан енгил автомобиллар ва тижорат автомобиллари сотилган.
Жанубий Осиё мамлакатида автомобиллар сотувининг ўсиши қондирилмаган талабни қоплаш ва автомобиль ишлаб чиқарувчилар томонидан ишлаб чиқаришни кўпайтириш ҳисобига эришилди.
Хитойда 2022 йилда автомобиллар савдоси 1,7 фоизга ошиб, 26,75 миллион донани ташкил қилган бўлса, АҚШда автомобиллар савдоси ўтган йилнинг шу даврига нисбатан 7,8 фоизга камайиб, 13,89 миллион донани ташкил этди.
Дастлабки маълумотларга кўра, Nikkei Япония нашри маълумотларига кўра, 4,2 миллион дона автомобиль сотган. Бу 2021 йилга нисбатан 5,6 фоизга кам.
2021 йилда жаҳон бозорида Хитой 26,27 миллион автомобиль сотуви билан етакчилик қилганди, ундан кейин АҚШ (15,4 миллион) ва Япония (4,44 миллион) жой олган.
2018 йилда Ҳиндистонда тахминан 4,4 миллион автомобиль сотилган, бироқ 2019 йилда сотувлар 4 миллионга тушди.
2020 йилда COVID-19 пандемияси туфайли кўрсаткич 3 миллиондан пастга тушган. Бироқ, Ҳиндистонда автомобиль савдоси 2021 йилда тикланиб, 4 миллионга етганди.
Бироқ Ҳиндистон автосаноатида яримўтказгичли чипларнинг етишмаслиги 2021 йилда ва 2022 йилнинг биринчи ойларида мамлакатда автомобиль ишлаб чиқариш ўсишини секинлаштирди.
Ҳиндистонда автомобиллар савдоси мамлакат аҳолисининг кўпайиши ва мамлакатда паст бўлиб қолаётган 8,5 фоизни ташкил этувчи автомобилларга талаб ортиши билан ўсиб бормоқда.
Аввалроқ GM АҚШ бозорида Toyota'ни ортда қолдириб, етакчиликни қайтариб олгани ҳақида хабар берилган эди.
Изоҳ (0)