Har bir inson mukammal tashqi ko‘rinish bo‘yicha turli xil talablarga ega, biroq har bir kishi uchun uchta jihat alohida ahamiyat kasb etadi, ya’ni kiyim zamonaviy, issiq bo‘lishi, shuningdek, turli xil obrazlar bilan osongina mos tushishi kerak. Kuz-qish mavsumining asosiy urfdagi kiyimlari ro‘yxatida bu kabi narsalar topiladi, shu kiyimlardan biri dublyonka hisoblanadi.
Bir paytlar mo‘ynali dublyonkalarni amerikalik uchuvchilar kiygan va hozirda u har bir zamonaviy uslubda kiyinadigan qizlarning qishki garderobidan joy olishi kerak bo‘lgan asosiy kiyimga aylandi. Dublyonka har qanday poyabzal bilan mos tushmaydi. The Symbol nashri dublyonkani qanday oyoq kiyim bilan moslashtirish kerakligi haqida ma’lumot berdi.
Uggi etiklari
Uggi etiklari dublyonka uchun aniq juftlik emas, biroq kiyimni u bilan moslashtirsa bo‘ladi. Ayniqsa, ushbu oyoq kiyimni uzun paltolar bilan kiyish mumkin. Bundan tashqari, yumshoq, qulay poyabzal zamonaviy oyoq kiyimlar qatoriga kirib bormoqda. Ushbu kiyimda qayerga borsangiz ham, issiq va qulaylikka ega bo‘lasiz.
Uzun etiklar
Har qanday kiyimni uzun etiklar bilan moslashtirsa bo‘ladi (ayniqsa, ular tekis ustki qatlamga ega va keraksiz bezaklarsiz bo‘lsa) va dublyonka ham bundan mustasno emas. Dublyonkaning ham kalta, ham uzun modellari ajoyib ko‘rinadi. Dublyonka yanada ajoyib ko‘rinishi uchun uning ostidan kalta kiyimlarni kolgotkalar bilan kiying.
Uchli, poshnali etiklar
Dublyonkani yoqtirgan jinsi shimlaringiz, vodolazka va poshnali uchli etiklar bilan moslashtirib, kun bo‘yi qulaylikka ega bo‘lgan obraz yaratishingiz mumkin. Obraz ham qulay, ham chiroyli bo‘lib chiqadi va har qanday vaziyatga mos keladi. Ajoyib aksent bosh kiyim bo‘ladi, uni beysbol kepkasi yoki mo‘ynali panama bilan kiyish mumkin.
Chelsi etiklari
O‘tgan asrning o‘rtalarida Britaniyada elastik qo‘shimchali poyabzalning ushbu modeli mashhur bo‘lib, tezda butun dunyo bo‘ylab modaga amal qilib kiyinuvchilarning mehrini qozondi va kundalik garderobda klassik oyoq kiyim sifatida mustahkam o‘rin oldi. Uzun etiklar singari, bu poyabzal har qanday kiyim va turli xil uslubdagi dublyonka bilan mos tushadi.
Krossovkalar bilan
Dublyonka va krossovkani oson moslashtirsa bo‘ladi, shuningdek, bu zamonaviy kombinatsiya hisoblanadi. Bu obrazda kun bo‘yi sovuq yoki uzoq masofalarda, shahar bo‘ylab yurishingiz mumkin. Uslubni keng jinsi shimlar va sevimli sviteringiz bilan to‘ldirishingiz mumkin.
Mavzuga doir:
- Voz kechish tavsiya etiladi: sog‘liqqa zarar yetkazadigan 5 ta qishki poyabzal modeli (foto).
- Qishki poyabzal tanlashda ko‘pchilik yo‘l qo‘yadigan xatolar (foto)
- Poyabzal xarid qilishda deyarli hamma yo‘l qo‘yadigan xatolar (foto).
- Har bir ayol poyabzal tanlashda bilishi kerak bo‘lgan eng muhim etiket qoidalari.
Izoh (0)