Bu, afsuski, haqiqat. Vaqt o‘tishi bilan kir yuvish mashinasidan mog‘or hidi kela boshlaydi va bu yuvilgan kiyimlarga ham o‘z ta’sirini o‘tkazadi, deb yozadi “Noviy ochag”.
Kir yuvish mashinasi vaqtni, suvni va elektr energiyasini ham tejashga yordam beradi. Ammo qurilmaning ham o‘ziga yarasha kamchiliklari bor. Uni bartaraf etish uchun kir yuvish mashinasini muntazam ravishda tekshirib turish lozim.
Nima uchun kir yuvish mashinasini tozalash kerak?
Kir yuvish kukuni va kir barabanning devorlaridan to‘liq yuvilmaydi va bu zamburug‘ va mog‘or paydo bo‘lishiga olib keladi. Keyinchalik yoqimsiz hidlarni keltirib chiqaradi. Ba’zida yuvilgan va toza ko‘ringan kiyimlarni kiyish ham imkonsiz bo‘lib qoladi. Ammo ushbu muammoni bartaraf etishga yordam beradigan usullar mavjud.
Sirka
Mashinada hech narsa yo‘q bo‘lishi lozim. Baraban bo‘sh bo‘lishi kerak. Maxsus dispenserga 2 stakan toza sirka quyiladi. Eng uzoq yuvish rejimi va maksimal harorat yoqiladi. Agar kir yuvish mashinasida barabanni tozalash dasturi bo‘lsa, uni tanlash mumkin. Sirka bakteriyalarni o‘ldiradi va hidni yo‘q qiladi.
Oqartiruvchi vosita
Kir yuvish vositasi solinadigan bo‘lmaga oqartiruvchi vosita quyiladi va yana eng yuqori harorat va yuvish rejimi yoqiladi.
Chayish rejimi
Mashinada qolishi mumkin bo‘lgan bakteriya va kukun qoldiqlarini to‘liq yuvish uchun suvga hech narsa qo‘shmasdan qo‘shimcha chayish rejimini yoqish tavsiya etiladi.
Kir yuvish kukuni solinadigan dispenser
Dispenser olinadi, u iliq suvga solinib, bir necha tomchi idish yuvish vositasi qo‘shiladi va dispenserni bir necha daqiqaga namlash uchun qoldiriladi.Shundan so‘ng dispenserni oddiy gubka bilan yuvib, quritishga qo‘yiladi.
Baraban rezinkasi
Baraban rezinkasi diqqat bilan tekshirib ko‘riladi. Odatda u yerda soch tolalari, kir suv va boshqa mayda chiqindilar to‘planib qoladi va aynan shu tufayli ham yoqimsiz hid keladi. Uni tozalash uchun suvga oqartiruvchi vosita qo‘shilib, yaxshilab artib olinadi. So‘ngra quruq mato bilan artiladi.
Kir yuvish mashinasidan qanday tartibda foydalanish kerak?
- Yuvilgandan keyin kirlarni mashinada uzoq vaqt qoldirmaslik lozim.
- Yuvish jarayoni tugagandan so‘ng mashina eshigini kamida bir soat ochiq qoldirish tavsiya etiladi. Lekin har doim ham emas. Ba’zi modellarda bu qurilmaning buzilishiga olib keladi.
- Baraban eshigi rezinasini quruq va toza saqlash uchun qog‘oz salfetka bilan tez-tez artib olish mumkin.
- Har bir yuvishdan keyin dispenserni yuvish va quritish tavsiya etiladi.
Izoh (0)