Dazmol qilish zerikarli jarayon bo‘lgani uchun ham ko‘pchilik buni yoqtirmaydi. Lekin to‘satdan dazmol buzilib qolishi yoki sayohatda kerak bo‘lishi mumkin. Shunday vaqtda dazmolsiz ham kiyimlarni tekislashning bir nechta usullari qo‘l keladi, deb yozadi “Noviy ochag”.
Soch dazmoli ko‘ylak yoqasini mukammal tekislaydi
Masalan, kiyimning yoqasi, yengi yoki qo‘li chamadonda g‘ijimlansa, soch dazmoli bilan kerakli hududni mukammal tarzda tekislash mumkin. Albatta, soch dazmolidan foydalanishdan avval undagi lak yoki boshqa turmka vositalarini artib olish zarur.
Issiq idishlar ham dazmol o‘rnini bosadi
Katta zanglamaydigan kostryulkalar kiyimlarni tezda dazmollashning eng qadimgi usullaridan biridir. U olovda qizdirib olinadi va kuydirmaydigan darajada sovigandan keyin kiyimning g‘ijim qismiga bosish kifoya.
Kiyimlarni matras bilan dazmollash
Kiyimlarni bir tekisda yoyib, matras ostiga qo‘yish ularni g‘ijimlanib ketishining oldini oladi. Masalan, tunda bu ish amalga oshirilsa, tonggacha kiyim tekis holatga keladi.
Kiyimlarni sirka bilan qanday dazmollash mumkin?
Oddiy oshxona sirkasi g‘ijimlangan kiyimlarni tekislashga qodir. U suv bilan 3:1 nisbatda aralashtiriladi va sepiladigan idishga quyiladi. So‘ngra kiyimga sepiladi va toza havoda quritiladi. Bu usul kiyimdagi yoqimsiz hidlarni ketkazadi va matoga zarar bermaydi, sirka hidi juda tez yo‘qoladi. Sirka yordamida pardalarni ham dazmolsiz tekishlash mumkin.
Nam sochiq bilan kiyimlarni tekislang
Dazmol kerak emas. Sviterni nam sochiq bilan dazmollash mumkin.Buyum tekis yuzaga qo‘yiladi, nam va yaxshi siqilgan sochiq bilan yopiladi, g‘ijimlangan joylarni tekislanib, pastga bosiladi.
Dush yordamida dazmollash
Dush qabul qilayotganda kiyimni hammomdagi ilgichga osib qo‘yish va eshikni yopish kerak. 10 daqiqadan so‘ng hammmomdagi bug‘ g‘ijimlarni tekislaydi. Bu eng qulay usul bo‘lib, issiq bug‘ rasmiy liboslarni ham dazmolsiz tekislashga yordam beradi.
Choynak bilan dazmollash mumkinmi?
Qaynayotgan choynakdan bug‘ chiqayotgan vaqtda unga kiyini tutib turish kifoya. Albatta, bunday vaqtda uyni bug‘ga to‘ldirish shart emas. Shunchaki, choynakning bug‘ chiqadigan qismidan foydalanish mumkin.
Fen bilan dazmollash
Sevimli kiyimni fen bilan osongina dazmollash mumkin. Kiyimni suv bilan ozgina namlash, fendan issiq havoni unga yo‘naltirish kifoya. Shu tarzda nafis kiyimlarni ham dazmollash oson kechadi.
Kir mashinasida dazmollash mumkin
Quritish funksiyasiga ega kir yuvish mashinalarining yana bir afzalligi shundaki, undan nafaqat toza va quruq kiyimlarni, balki deyarli dazmollanganlarni ham olish mumkin. Barabanga kiyimlar qo‘yiladi va quritgich 10-15 daqiqaga yoqiladi. Bunday vaqtda bir nechta muz bo‘laklarini ham qo‘shish mumkin. Quritish paytida u bug‘lanadi va shu bilan kiyimlar tekislanadi.
Izoh (0)