Ҳар бир инсон мукаммал ташқи кўриниш бўйича турли хил талабларга эга, бироқ ҳар бир киши учун учта жиҳат алоҳида аҳамият касб этади, яъни кийим замонавий, иссиқ бўлиши, шунингдек, турли хил образлар билан осонгина мос тушиши керак. Куз-қиш мавсумининг асосий урфдаги кийимлари рўйхатида бу каби нарсалар топилади, шу кийимлардан бири дублёнка ҳисобланади.
Бир пайтлар мўйнали дублёнкаларни америкалик учувчилар кийган ва ҳозирда у ҳар бир замонавий услубда кийинадиган қизларнинг қишки гардеробидан жой олиши керак бўлган асосий кийимга айланди. Дублёнка ҳар қандай пойабзал билан мос тушмайди. The Symbol нашри дублёнкани қандай оёқ кийим билан мослаштириш кераклиги ҳақида маълумот берди.
Угги этиклари
Угги этиклари дублёнка учун аниқ жуфтлик эмас, бироқ кийимни у билан мослаштирса бўлади. Айниқса, ушбу оёқ кийимни узун пальтолар билан кийиш мумкин. Бундан ташқари, юмшоқ, қулай пойабзал замонавий оёқ кийимлар қаторига кириб бормоқда. Ушбу кийимда қаерга борсангиз ҳам, иссиқ ва қулайликка эга бўласиз.
Узун этиклар
Ҳар қандай кийимни узун этиклар билан мослаштирса бўлади (айниқса, улар текис устки қатламга эга ва кераксиз безакларсиз бўлса) ва дублёнка ҳам бундан мустасно эмас. Дубльёнканинг ҳам калта, ҳам узун моделлари ажойиб кўринади. Дублёнка янада ажойиб кўриниши учун унинг остидан калта кийимларни колготкалар билан кийинг.
Учли, пошнали этиклар
Дублёнкани ёқтирган жинси шимларингиз, водолазка ва пошнали учли этиклар билан мослаштириб, кун бўйи қулайликка эга бўлган образ яратишингиз мумкин. Образ ҳам қулай, ҳам чиройли бўлиб чиқади ва ҳар қандай вазиятга мос келади. Ажойиб аксент бош кийим бўлади, уни бейсбол кепкаси ёки мўйнали панама билан кийиш мумкин.
Челси этиклари
Ўтган асрнинг ўрталарида Британияда эластик қўшимчали пойабзалнинг ушбу модели машҳур бўлиб, тезда бутун дунё бўйлаб модага амал қилиб кийинувчиларнинг меҳрини қозонди ва кундалик гардеробда классик оёқ кийим сифатида мустаҳкам ўрин олди. Узун этиклар сингари, бу пойабзал ҳар қандай кийим ва турли хил услубдаги дублёнка билан мос тушади.
Кроссовкалар билан
Дублёнка ва кроссовкани осон мослаштирса бўлади, шунингдек, бу замонавий комбинация ҳисобланади. Бу образда кун бўйи совуқ ёки узоқ масофаларда, шаҳар бўйлаб юришингиз мумкин. Услубни кенг жинси шимлар ва севимли свитерингиз билан тўлдиришингиз мумкин.
Мавзуга доир:
Изоҳ (0)