Har bir mavsumda makiyaj qilish bo‘yicha ko‘rsatmalar mavjud. Agar ko‘rsatmalarga amal qilinmasa, bu yuz terisi bilan bog‘liq muammolarni keltirib chiqarishi mumkin. Marie Claire nashri ko‘plab ayollar qishki makiyajda yo‘l qo‘yadigan xatolar haqida ma’lumot berdi.
Yozda faol foydalaniladigan parvarishlash va dekorativ mahsulotlar qishda yaxshi ta’sir ko‘rsatmasligi mumkin. Vizajist, byuti-ekspert Malvina Magomedova qishki makiyajda qanday xatolarni qilmaslik kerakligi haqida ma’lumot berdi.
Birinchi xato: makiyaj qilishdan oldin teriga parvarish vositalarini ishlatmaslik
Qishki makiyaj nafaqat chiroyli ko‘zlar va yorqin lablar, balki sog‘lom ko‘rinadigan teridir. Yuz terisini makiyajga tayyorlashdan oldin parvarishlash vositalarini qo‘llash kerak. Sababi quruq va xiralashgan teri ustidan qilingan makiyaj yaxshi natija bermaydi.
Qishda parvarishlash mahsulotlari ko‘proq to‘yingan va to‘qimalarga boy bo‘lishi kerak, tarkibida vitaminlar va yog‘lar mavjud bo‘lgan mahsulotlardan foydalangan ma’qul. Kremni makiyaj qilishdan 20-30 daqiqa oldin yuz terisiga qo‘llasa bo‘ladi: bu vaqt ichida mahsulot teriga so‘riladi va o‘ziga kerakli namlikni oladi. Kremni bo‘yin va ko‘z atrofiga ham surting.
Ikkinchi xato: Tonal krem va pudralarga e’tibor qaratmaslik
Qishda teri yoz va bahorga qaraganda ancha oqarib ketadi, shuning uchun tonal krem va pudra tabiiy teri rangiga yaqinroq bo‘lishi kerak. Odatdagidek yozgi vositalardan foydalanish teriga g‘ayritabiiy quyuq rang beradi, yuz terisi qo‘llar va bo‘yinning rangidan sezilarli darajada farq qiladi.
Pudra va tonal krem nafaqat terining chiroyli ko‘rinishini ta’minlaydi, balki uni sovuq va shamoldan himoya qiladi. Bundan tashqari, vositalarni qo‘llagandan keyin yuz terisini qoplaydigan plyonka uni yorilishdan va yomon ob-havoning boshqa salbiy ta’siridan himoya qiladi.
Uchinchi xato: Makiyajda faqat sokin ranglardan foydalanish
Ko‘plab ayollar qishki makiyajdagi yorqin bo‘lmagan ranglardan foydalanadi: yozda yorqin makiyaj qilinadi, qishda esa bu holat kuzatilmaydi. Biroq, bugungi kunda to‘q qizil, jigarrang, to‘q binafsharang, to‘q yashil, quyuq ranglar — qishki makiyaj uchun zamonaviy ranglar hisoblanadi. To‘qroq bo‘yalgan ko‘zlar va to‘q rangdagi podvodka ham bu mavsumda makiyajning yaxshi chiqishini ta’minlaydi.
To‘rtinchi xato: Tozalanmagan lablarga lab bo‘yog‘ini surtish
Qishki makiyajda bo‘yalgan, xiralashgan lablardan ko‘ra estetik bo‘lmagan narsa yo‘q. Qishda, har bir qizning makiyaj sumkasida namlovchi balzam yoki gigiyenik lab bo‘yog‘i bo‘lishi kerak, undan tashqariga chiqqanda foydalanish o‘rinli.
Lablar yetarli darajada namlangandan so‘ng, lab bo‘yog‘i yoki suyuq lab bo‘yog‘ini qo‘llashingiz mumkin. Dudoqlardagi quruq teri bo‘laklarini qo‘llaringiz yoki tishlaringiz bilan olib tashlamang: bu bilan lab terisini shikastlashingiz va shikastlangan teriga infeksiya tushish xavfini oshirishingiz mumkin.
Beshinchi xato: juda ko‘p rumyana surtish
Qishki noldan past haroratda yuz terisi tabiiy ravishda qizarishi sababli rumyanadan ko‘p foydalanmagan ma’qul. Kosmetik vositani yengil qatlamda qo‘llang va yorqin ranglardan foydalaning.
Mavzuga doir:
- Qishda makiyaj qilishda nimalarga e’tibor berish kerak? Vizajistdan 5 ta maslahat.
- Sovuq ob-havoda to‘g‘ri makiyaj qilish bo‘yicha 5 ta qoida.
- Ko‘zni ten bilan qanday bo‘yash kerak: mukammal makiyaj uchun 7 ta foydali maslahat.
- Yuzdagi kamchiliklarni makiyaj bilan qanday yashirish mumkin? Vizajist maslahat beradi.
Izoh (0)