Ҳар бир мавсумда макияж қилиш бўйича кўрсатмалар мавжуд. Агар кўрсатмаларга амал қилинмаса, бу юз териси билан боғлиқ муаммоларни келтириб чиқариши мумкин. Marie Claire нашри кўплаб аёллар қишки макияжда йўл қўядиган хатолар ҳақида маълумот берди.
Ёзда фаол фойдаланиладиган парваришлаш ва декоратив маҳсулотлар қишда яхши таъсир кўрсатмаслиги мумкин. Визажист, бюти-эксперт Малвина Магомедова қишки макияжда қандай хатоларни қилмаслик кераклиги ҳақида маълумот берди.
Биринчи хато: макияж қилишдан олдин терига парвариш воситаларини ишлатмаслик
Қишки макияж нафақат чиройли кўзлар ва ёрқин лаблар, балки соғлом кўринадиган теридир. Юз терисини макияжга тайёрлашдан олдин парваришлаш воситаларини қўллаш керак. Сабаби қуруқ ва хиралашган тери устидан қилинган макияж яхши натижа бермайди.
Қишда парваришлаш маҳсулотлари кўпроқ тўйинган ва тўқималарга бой бўлиши керак, таркибида витаминлар ва ёғлар мавжуд бўлган маҳсулотлардан фойдаланган маъқул. Кремни макияж қилишдан 20-30 дақиқа олдин юз терисига қўлласа бўлади: бу вақт ичида маҳсулот терига сўрилади ва ўзига керакли намликни олади. Кремни бўйин ва кўз атрофига ҳам суртинг.
Иккинчи хато: Тональ крем ва пудраларга эътибор қаратмаслик
Қишда тери ёз ва баҳорга қараганда анча оқариб кетади, шунинг учун тональ крем ва пудра табиий тери рангига яқинроқ бўлиши керак. Одатдагидек ёзги воситалардан фойдаланиш терига ғайритабиий қуюқ ранг беради, юз териси қўллар ва бўйиннинг рангидан сезиларли даражада фарқ қилади.
Пудра ва тональ крем нафақат терининг чиройли кўринишини таъминлайди, балки уни совуқ ва шамолдан ҳимоя қилади. Бундан ташқари, воситаларни қўллагандан кейин юз терисини қоплайдиган плёнка уни ёрилишдан ва ёмон об-ҳавонинг бошқа салбий таъсиридан ҳимоя қилади.
Учинчи хато: Макияжда фақат сокин ранглардан фойдаланиш
Кўплаб аёллар қишки макияждаги ёрқин бўлмаган ранглардан фойдаланади: ёзда ёрқин макияж қилинади, қишда эса бу ҳолат кузатилмайди. Бироқ, бугунги кунда тўқ қизил, жигарранг, тўқ бинафшаранг, тўқ яшил, қуюқ ранглар — қишки макияж учун замонавий ранглар ҳисобланади. Тўқроқ бўялган кўзлар ва тўқ рангдаги подводка ҳам бу мавсумда макияжнинг яхши чиқишини таъминлайди.
Тўртинчи хато: Тозаланмаган лабларга лаб бўёғини суртиш
Қишки макияжда бўялган, хиралашган лаблардан кўра эстетик бўлмаган нарса йўқ. Қишда, ҳар бир қизнинг макияж сумкасида намловчи бальзам ёки гигиеник лаб бўёғи бўлиши керак, ундан ташқарига чиққанда фойдаланиш ўринли.
Лаблар етарли даражада намлангандан сўнг, лаб бўёғи ёки суюқ лаб бўёғини қўллашингиз мумкин. Дудоқлардаги қуруқ тери бўлакларини қўлларингиз ёки тишларингиз билан олиб ташламанг: бу билан лаб терисини шикастлашингиз ва шикастланган терига инфекция тушиш хавфини оширишингиз мумкин.
Бешинчи хато: жуда кўп румяна суртиш
Қишки нолдан паст ҳароратда юз териси табиий равишда қизариши сабабли румянадан кўп фойдаланмаган маъқул. Косметик воситани енгил қатламда қўлланг ва ёрқин ранглардан фойдаланинг.
Мавзуга доир:
Изоҳ (0)