Rossiyada o‘zbekistonlik 31 yoshli erkak bel sohasidan pichoqlanishi oqibatida vafot etdi. Bu haqda “78.ru” xabar berdi.
Marhumni Shlisselburg shahar kasalxonasining tez yordam bo‘limiga uning do‘stlari olib kelgan. Ular kasalxonada janjal ko‘tarib, u yerdagi xodimlarga tashlangan. Politsiya qotillikda gumon qilib, shifoxona binosida mushtlashgan ikki kishidan biri — 28 yoshli yigitni qo‘lga olgan. U o‘zbekistonlik erkak bilan Morozova nomli qishloqda birga spirtli ichimlik ichganini tan olgan.
Hozirda hodisaning barcha tafsilotlari o‘rganilmoqda. Jinoyat ishini qo‘zg‘atish masalasi hal qilinmoqda.
Ma’lumot o‘rnida, 28-dekabrda o‘zbekistonlik erkak Rossiyada noma’lum shaxs tomonidan pichoqlangandi. Hodisa erkak avtobusdan tushayotganida yuz bergan. U o‘g‘ir tan jarohati bilan kasalxonaga yotqizilgan.
20-dekabr kuni Rossiyada yana bir o‘zbekistonlik erkak hamyurti tomonidan pichoqlanishi oqibatida vafot etgandi. Ular birga spirtli ichimlik iste’mol qilgan paytda to‘satdan janjallashib ketgan. Oqibatda 36 yoshli o‘zbekistonlik erkak o‘zining 41 yoshli hamyurtining beliga pichoq bilan jarohat yetkazgan. Shundan so‘ng u voqea joyidan qochib ketgan.
Izoh (0)