Rossiyaning Sankt-Peterburg shahri Nevskiy tumanida o‘zbekistonlik erkak pichoqlangan holda topildi. Bu haqda 78.ru xabar berdi.
Hodisa 27-dekabr kuni yuz bergan, mahalliy vaqt bilan soat 22:00larda pichoq bilan jarohatlangan erkak topilgan. Jabrlanuvchi 41 yoshli O‘zbekiston fuqarosi bo‘lib, avtobusdan tushgach noma’lum shaxs tomonidan bir necha bor pichoqlagan.
Erkak og‘ir ahvolda kasalxonaga yotqizilgan. Shifokorlar unga qorin bo‘shlig‘ining bir nechta pichoq jarohati tashxisini qo‘ygan. Hozirda jinoyat ishi qo‘zg‘atish masalasi hal qilinmoqda.
Ma’lumot o‘rnida, 20-dekabr kuni Rossiyada o‘zbekistonlik erkak hamyurti tomonidan pichoqlanishi oqibatida vafot etgandi. Ular birga spirtli ichimlik iste’mol qilgan paytda to‘satdan janjallashib ketgan. Oqibatda 36 yoshli o‘zbekistonlik erkak o‘zining 41 yoshli hamyurtining beliga pichoq bilan jarohat yetkazgan. Shundan so‘ng u voqea joyidan qochib ketgan.
Izoh (0)