Jahon sog‘liqni saqlash tashkiloti dunyoga koronavirusning yangi shtammi xavf solayotganini, u yangi to‘lqinni keltirib chiqarishi mumkinligini aytdi, deb yozadi Politico.
Gap virusning Omicron XBB.1.5 shtammi haqida bormoqda. U bir nechta qit’alardagi 29 ta mamlakatda aniqlangan.
“Biz uning tarqalish sur’atlaridan xavotirdamiz, xususan, Yevropa va AQSHning shimoli-sharqiy qismida yangi shtamm boshqa variantlar o‘rnini tezkorlik bilan egallab oldi”, — dedi JSSTning COVID-19 bo‘yicha texnik mutaxassisi Mariya Van Kerxove.
Ayni vaqtda mutaxassislar ushbu virus oqibatida kelib chiqadigan kasallikning og‘irlik darajasi haqida aniq ma’lumot bera olmayapti.
“Hozircha Omicron XBB.1.5 aylanib yurgan boshqa variantlarga nisbatan og‘irroqmi, yo‘qmi — bu aniq emas”, — deyishdi JSSTdagilar.
Van Kerxovening so‘zlariga ko‘ra, ekspertlar yangi shtammning jiddiyligi yuzasidan tahlil o‘tkazmoqda. Hisobot yaqin kunlarda e’lon qilinadi.
Mavzuga doir:
- “Tizim ishdan chiqdi”: Xitoyda koronavirusdan o‘lim darajasi yuqoriligi tufayli, krematoriylar to‘lib ketdi
- Olimlar Xitoyda koronavirusning yangi to‘lqiniga sabab bo‘lgan shtammlarni aniqladi
- “Xuddi zombilar haqidagi filmlardagidek”: koronavirus odamning o‘limidan keyin ham yuqishi mumkinligi aniqlandi
Izoh (0)