AQSH Kongressining Vakillar palatasi a’zolari uch bosqichli ovoz berishda spikerni saylay olmadi, yig‘ilish 4-yanvar kuniga qoldirildi.
CNN qayd etganidek, oxirgi marta 1923-yilda palata spikeri birinchi urinishda saylana olmagan.
Respublikachilar yetakchisi Kevin Makkarti uning partiyasi Vakillar palatasini nazorat qilishiga qaramay, ovoz berishning uchinchi bosqichida 202 ta ovoz to‘pladi. Makkartining asosiy raqibi, demokrat nomzod Hakim Jeffris uchun 212 nafar deputat ovoz berdi, yana 20 ta ovozni Makkartining partiyadoshi Jim Jordan oldi. 435 nafar a’zosi bor Vakillar palatasiga spiker bo‘lish uchun 218 ta ovoz to‘plash kerak.
JUST IN: House adopts motion to adjourn until tomorrow at noon after Rep. Kevin McCarthy loses third speaker vote. https://t.co/12hD13AGvG pic.twitter.com/uDKe393VAc
— ABC News Politics (@ABCPolitics) January 3, 2023
Noyabr oyida AQSHda oraliq saylovlar bo‘lib o‘tgandi, uning natijasida respublikachilar Vakillar palatasida 218 ta o‘rinni egallab, uni nazorat qila boshladi. Shundan so‘ng Nensi Pelosining o‘rniga yangi spiker tanlash zarurati yuzaga keldi, chunki Pelosi demokratlar vakili.
Izoh (0)