АҚШ Конгрессининг Вакиллар палатаси аъзолари уч босқичли овоз беришда спикерни сайлай олмади, йиғилиш 4 январь кунига қолдирилди.
CNN қайд этганидек, охирги марта 1923 йилда палата спикери биринчи уринишда сайлана олмаган.
Республикачилар етакчиси Кевин Маккарти унинг партияси Вакиллар палатасини назорат қилишига қарамай, овоз беришнинг учинчи босқичида 202 та овоз тўплади. Маккартининг асосий рақиби, демократ номзод Ҳаким Жеффрис учун 212 нафар депутат овоз берди, яна 20 та овозни Маккартининг партиядоши Жим Жордан олди. 435 нафар аъзоси бор Вакиллар палатасига спикер бўлиш учун 218 та овоз тўплаш керак.
JUST IN: House adopts motion to adjourn until tomorrow at noon after Rep. Kevin McCarthy loses third speaker vote. https://t.co/12hD13AGvG pic.twitter.com/uDKe393VAc
— ABC News Politics (@ABCPolitics) January 3, 2023
Ноябрь ойида АҚШда оралиқ сайловлар бўлиб ўтганди, унинг натижасида республикачилар Вакиллар палатасида 218 та ўринни эгаллаб, уни назорат қила бошлади. Шундан сўнг Нэнси Пелосининг ўрнига янги спикер танлаш зарурати юзага келди, чунки Пелоси демократлар вакили.
Изоҳ (0)