Noqulay ob-havo sharoiti Toshkent va Andijon xalqaro aeroportlari ishining cheklanishiga sabab bo‘ldi, deb xabar bermoqda Uzbekistan Airports matbuot xizmati.
Ma’lum qilinishicha, Toshkent aeroportida quyuq tuman sababli ko‘rinishning yomonlashishi (250 metr) Uzbekistan Airways’ning HY9614 Moskva—Toshkent reysi Samarqanddagi muqobil aerodromga yo‘naltirildi.
HY336 Jidda—Toshkent reysi esa Navoiy xalqaro aeroportiga yo‘naltirildi. Ob-havo yaxshilangach, bort yo‘lovchilar bilan poytaxt aeroportiga uchib keldi.
Andijon aeroporti ham noqulay ob-havo sharoiti tufayli vaqtincha yopildi. Uzbekistan Airways’ning HY091 Toshkent—Andijon va HY049 Andijon—Samarqand reyslari Farg‘ona aeroportidan o‘zgartirilgan jadvalga muvofiq amalga oshiriladi.
Andijon aeroporti rahbariyati tomonidan yo‘lovchilar uchun Farg‘ona aeroportiga transport tashkil qilindi.
Parvozlar jadvalidagi o‘zgarishlar to‘g‘risidagi batafsil ma’lumotlarni aviatashuvchilardan olish mumkin.
Izoh (0)