Ноқулай об-ҳаво шароити Тошкент ва Андижон халқаро аэропортлари ишининг чекланишига сабаб бўлди, деб хабар бермоқда Uzbekistan Airports матбуот хизмати.
Маълум қилинишича, Тошкент аэропортида қуюқ туман сабабли кўринишнинг ёмонлашиши (250 метр) Uzbekistan Airways’нинг HY9614 Москва—Тошкент рейси Самарқанддаги муқобил аэродромга йўналтирилди.
HY336 Жидда—Тошкент рейси эса Навоий халқаро аэропортига йўналтирилди. Об-ҳаво яхшилангач, борт йўловчилар билан пойтахт аэропортига учиб келди.
Андижон аэропорти ҳам ноқулай об-ҳаво шароити туфайли вақтинча ёпилди. Uzbekistan Airways’нинг HY091 Тошкент—Андижон ва HY049 Андижон—Самарқанд рейслари Фарғона аэропортидан ўзгартирилган жадвалга мувофиқ амалга оширилади.
Андижон аэропорти раҳбарияти томонидан йўловчилар учун Фарғона аэропортига транспорт ташкил қилинди.
Парвозлар жадвалидаги ўзгаришлар тўғрисидаги батафсил маълумотларни авиаташувчилардан олиш мумкин.
Изоҳ (0)